Eski ou pe aprann tou sa ki ou kapab avek Zeova?

1. Ki mannyer Zeova i vwar lansennyman?

¹ Nou “Gran Enstrikter” Zeova i anvi ansenny nou. (Iza. 30:20) I ti konmans ansennyen apre ki i ti kree son premye Garson. (Zan 8:28) Menm apre ki Adan ti dezobeir, Zeova ti kontinyen ansenny bann imen enparfe avek lanmour.​—Iza. 48:17, 18; 2 Tim. 3:14, 15.

2. Ki progranm lansennyman bokou dimoun pe benefisye avek?

² Ozordi Zeova pe diriz sa progranm lansennyman pli o nivo dan listwar imen. Parey in ganny profetize dan liv Izai, en kantite dimoun dan lemonn antye dan en sans senbolik pe al ver “montanny kot lakaz Zeova i ete.” (Iza. 2:2) Akoz zot pe al laba? Pour ganny enstrir lo Bondye e par Zeova li menm! (Iza. 2:3) Pandan lannen servis 2010, Temwen Zeova in pas plis ki 1.6 bilyon erdtan dan predikasyon pour anons e ansenny dimoun laverite ki dan Labib. Deplis, apepre 105,000 kongregasyon dan lemonn antye pe ganny sa lansennyman spirityel sak semenn. I osi annan bann piblikasyon baze lo lansennyman Labib ki ganny prodwir par lesklav fidel e pridan dan plis ki 500 langaz.

3. Kwa ki ou’n personnelman aprann atraver sa lansennyman ki Zeova i donn nou?

³ Aprann tou sa ki ou kapab: Pa nou’n aprann bokou atraver sa progranm lansennyman sorti kot Bondye! Nou’n aprann ki Bondye i annan en non e ki i enterese avek nou. (Ps. 83:18; 1 Pyer 5:6, 7) Nou’n konn larepons serten kestyon pli enportan par egzanp: Akoz dimoun i soufer e mor? Ki mannyer mon kapab trouv vre boner? Ki bi lavi? Zeova in osi donn nou bann bon gidans ki permet nou pour ‘reisi dan tou sa ki nou fer.’​—Zoz. 1:8.

4. Ki bann formasyon ki disponib e akoz nou devret aprann tou sa ki nou kapab avek Zeova?

⁴ An plis ki sa, Zeova i fer li posib pour serten son bann serviter ganny en lansennyman spesyal pour zot kapab fer plis dan son servis. I annan en lalis bann diferan formasyon lo paz 4-6. Menm si nou sirkonstans pa permet nou pour resevwar sa formasyon ki lo sa lalis, eski nou pe aprann tou sa ki nou kapab atraver sa bann formasyon ki dan nou dispozisyon? Eski nou pe ankouraz nou bann zenn pour annan bann lobzektif spirityel e rod sa lansennyman pli o nivo ki sorti kot Zeova ouswa nou pe les zot ganny enfliyanse par zot ansennyan ek kanmarad lekol pour fer bann letid avanse? Si nou aprann tou sa ki nou kapab avek Zeova, nou pou ganny en lavi ere la konmela ek lavi eternel a lavenir.​—Ps. 119:105; Zan 17:3.

Serten formasyon ki disponib dan lorganizasyon Zeova

Lekol pour aprann lir ek ekrir

• Bi: Pour ki dimoun i aprann lir ek ekrir pour zot kapab fer zot letid personnel lo Labib e ansenny lezot laverite.

• Letan: Dapre bezwen.

• Landrwa: Lasal Rwayonm.

• Lekel ki kapab asiste: Tou proklanmater ek tou bann ki enterese.

• Ki ou bezwen fer: Bann ansyen pou organiz lekol dapre bezwen kongregasyon e zot pou ankouraz tou dimoun pour vin sa lekol pour zot benefisye.

Lekol Minister Teokratik

• Bi: Pour form bann proklanmater pour vin bann predikater ek ansennyan efikas.

• Letan: Kontinyelman.

• Landrwa: Lasal Rwayonm.

• Lekel ki kapab fer laplikasyon: Tou proklanmater. Osi tou bann ki pe asosye avek kongregasyon regilyerman e ki’n aksepte lansennyman Labib e pe viv dapre son prensip.

• Ki ou bezwen fer: Koz avek sirveyan Lekol Minister Teokratik.

Lekol pour aprann pres dan en lot langaz

• Bi: Pour ansenny bann proklanmater pour pres dan en lot langaz.

• Letan: Kat oubyen senk mwan. Normalman laklas i ganny fer dan Sanmdi bomaten pour enn oubyen de-z-erdtan.

• Landrwa: Normalman kot en Lasal Rwayonm.

• Lekel ki kapab asiste: Bann proklanmater ki annan en bon repitasyon ki ti a kontan pres dan en lot langaz.

• Ki ou bezwen fer: Lekol i ganny organize par biro brans dapre bezwen rezyon.

Konstriksyon Lasal Rwayonm

• Bi: Pour konstri e mentenir bann Lasal Rwayonm. Sa i pa vreman en lekol, o kontrer bann volonter i ganny formen pour devlop diferan abilite anmezir ki zot pe travay lo en proze konstriksyon.

• Letan: Dapre sirkonstans sak volonter.

• Landrwa: Nenport landrwa ki tonm anba rezyon sa Komite Konstriksyon Rezyonal. Serten volonter i kapab ganny envite pour ede pour fer travay sekour dan bann landrwa ki an deor rezyon sa komite ki’n ganny frape par en dezas.

• Kalifikasyon: Bann frer ek ser batize ki konsey ansyen i aprouve. Ou pa bezwen annan okenn sertifika.

• Ki ou bezwen fer: Demann bann ansyen en form Kingdom Hall Volunteer Worker Questionnaire (S-82).

Lekol Pionye

• Bi: Pour ed bann pionye akonplir zot travay pli byen “dan servis Bondye.”​—2 Tim. 4:5.

• Letan: De semenn.

• Landrwa: Biro brans ki deside kote, me normalman i ganny fer kot en Lasal Rwayonm.

• Kalifikasyon: Bann ki’n fer servis pionye pour omwen enn an.

• Ki ou bezwen fer: Vi ki zot pionye zot otomatikman kapab antre dan sa lekol e zot ganny enformen par sirveyan rezyonal.

Lekol pour nouvo Betelit

• Bi: Pour ed bann nouvo Betelit arive fer zot servis dan Betel.

• Letan: En erdtan sak semenn pour sez semenn.

• Landrwa: Betel.

• Kalifikasyon: Fodre sa dimoun i en Betelit ouswa pe travay konman en volonter (depi enn an oubyen plis).

• Ki ou bezwen fer: Manm lafanmir Betel i otomatikman ganny sa privilez pour antre dan sa lekol.

Lekol Minister Rwayonm

• Bi: Pour form bann ansyen ek asistan ministeryel konman pour pran swen avek manm kongregasyon e organiz bann responsabilite dan kongregasyon. (Akt 20:28) Sa lekol i ganny fer tou le detrwa-z-an e sa i ganny deside par Konsey Direkter.

• Letan: Tou resaman i pe ganny fer pandan en zour edmi pour bann ansyen e en zour pour bann asistan ministeryel.

• Landrwa: Normalman kot en Lasal Rwayonm oubyen Lasal Lasanble.

• Kalifikasyon: Ansyen oubyen asistan ministeryel.

• Ki ou bezwen fer: Ansyen ek asistan ministeryel i ganny envite par sirveyan distrik.

Lekol pour ansyen dan kongregasyona

• Bi: Pour ed bann ansyen desarz zot responsabilite dan kongregasyon.

• Letan: Senk zour.

• Landrwa: Biro brans ki deside kote, me normalman i ganny fer kot en Lasal Rwayonm oubyen Lasal Lasanble.

• Kalifikasyon: Ansyen.

• Ki ou bezwen fer: Bann ansyen i ganny envite par biro brans.

Lekol pour sirveyan ek zot madanmb

• Bi: Pour ki bann sirveyan rezyonal ek distrik i vin pli efikas dan zot servis pour kongregasyon, pour travay dir “pour prese e ansennyen” e osi pour pran swen avek troupo Bondye.​—1 Tim. 5:17; 1 Pyer 5:2, 3.

• Letan: De mwan.

• Landrwa: Biro brans ki deside.

• Kalifikasyon: Sirveyan rezyonal oubyen distrik.

• Ki ou bezwen fer: Bann sirveyan ek zot madanm i ganny envite par biro brans.

Lekol lo Labib pour bann frer selibaterc

• Bi: Pour prepar bann ansyen ek asistan ministeryel ki selibater pour desarz plis responsabilite. Laplipar ki’n fer sa lekol pou ganny anvoye pour servi la kot i annan plis bezwen dan zot prop pei. Serten pou kapab ganny anvoye dan lezot pei si zot fer zot disponib.

• Letan: De mwan.

• Landrwa: Biro brans ki deside kote, me normalman i ganny fer kot en Lasal Rwayonm oubyen Lasal Lasanble.

• Kalifikasyon: Bann frer selibater ant 23 a 62 an ki an bonn sante, ki anvi servi zot bann frer ek ser e fer progrese sa bon nouvel kot i annan bezwen. (Mark 10:29, 30) Zot devret annan omwen de-z-an servis swa konman en asistan ministeryel oubyen ansyen.

• Ki ou bezwen fer: Si sa lekol pe ganny fer dan ou rezyon, en renyon pou ganny fer pour bann ki enterese pandan lasanble rezyonal. Plis lenformasyon pou ganny donnen dan sa renyon.

Lekol lo Labib pour koup Kretyend

• Bi: Pour donn bann koup formasyon spesifik pour zot kapab ganny byen servi dan servis ek lorganizasyon Zeova. A lafen sa lekol, laplipar koup pou servi dan zot prop pei kot i annan en bezwen. Serten pou kapab ganny anvoye dan lezot pei si zot fer zot disponib.

• Letan: De mwan.

• Landrwa: Bann premye laklas pe ganny fer kot Watchtower Educational Center Patterson, New York, Leta-z-ini. Apre sa, laklas pou ganny fer dan bann landrwa kot biro brans i deside, normalman kot en Lasal Lasanble oubyen Lasal Rwayonm.

• Kalifikasyon: Bann koup ki aze ant 25 a 50 an, ki an bonn sante e ki zot sirkonstans i permet zot pour servi nenport landrwa kot i annan en bezwen e ki annan sa leta lespri: “La mon la! Anvoy mwan.” (Iza. 6:8) Zot in bezwen marye pour omwen de-z-an e zot in dan servis a plen tan pour omwen de-z-an san arete.

• Ki ou bezwen fer: Si dan teritwar ou biro brans i annan enn sa lekol, en renyon pou ganny fer pour bann ki enterese pandan lasanble spesyal en zour. Lezot lenformasyon pou ganny donnen pandan sa renyon.

Lekol Gilead

• Bi: Pour form bann pionye ek lezot serviter a plen tan pour fer travay misyonner.

• Letan: Senk mwan.

• Landrwa: Watchtower Educational Center Patterson, New York, Leta-z-ini.

• Kalifikasyon: Bann koup ki’n batize pour omwen trwa-z-an e zot bezwen aze ant 21 a 38 an kan zot ranpli zot premye form laplikasyon. Zot bezwen konn koz Angle, marye pour omwen de-z-an e dan servis a plen tan pour omwen de-z-an san arete. Bann aplikan i bezwen an bonn sante. Bann pionye ki pe servi dan en pei etranze (enkli bann ki pe fer travay misyonner), bann sirveyan rezyonal ek distrik, bann manm lafanmir Betel ek bann ki’n asiste Lekol Formasyon Ministeryel, Lekol lo Labib pour bann frer selibater ek Lekol lo Labib pour koup Kretyen i osi kapab fer laplikasyon.

• Ki ou bezwen fer: Dan serten rezyon, i annan en renyon ki ganny fer pandan lasanble distrik pour bann ki enterese avek sa lekol. Plis lenformasyon pou ganny donnen pandan sa renyon. Si napa sa renyon dan ou pei e ou ti a kontan fer laplikasyon, ou kapab demann ou biro brans plis lenformasyon.

Lekol pour manm Komite Biro Brans ek zot madanm

• Bi: Pour bann ki pe servi lo Komite Biro Brans pli byen siperviz Betel, pran swen avek bann keksoz ki annan pour fer avek kongregasyon, bann sirveyan rezyonal ek distrik ki tonm anba zot biro brans e osi bann departman parey tradiksyon, lenprimri ek distribisyon bann piblikasyon.​—Lik 12:48b.

• Letan: De mwan.

• Landrwa: Watchtower Educational Center Patterson, New York, Leta-z-ini.

• Kalifikasyon: Manm Komite Biro Brans oubyen en manm Komite Pei oubyen enn ki pe desarz sa responsabilite me ki pa en manm.

• Ki ou bezwen fer: Bann frer kalifye ek zot madanm i ganny envite par Konsey Direkter.

[Not anba lo paz]