God’s Word for Us Through Jeremiah
1. Ki piblikasyon ti sorti dan lasanble distrik 2010 e ki mannyer nou pou servi li?
1 Pa nou ti vreman kontan ler sa nouvo liv ti sorti dan Lasanble Distrik 2010 “Reste pros avek Zeova!” Sa liv i atir nou latansyon lo bann leson ki nou kapab aplike dan nou lavi tou le zour dan liv Zeremi ek Lamantasyon. (Rom. 15:4) I’n ganny fer pour servi dan Letid Labib Kongregasyon e nou pou konmans etidye sa liv semenn le 5 Novanm 2012.
2. Akoz etidye liv Zeremi ek Lamantasyon dan Labib pou benefisye nou?
2 Itil dan nou letan: Zeremi ki ti ekrir sa liv enspire dan Labib ti profetize pandan en letan byen difisil Zida. Premye kou, i pa ti santi li alaoter pour fer sa travay. (Zer. 1:6) I ti ganny persekite par bann dimoun ki i ti konnen e petet menm par son bann fanmir dan lavil Anatot kot i ti reste. (Zer. 11:21, 22) Nou kapab konpran akoz parler i ti dekouraze. (Zer. 20:14) Anmezir nou akonplir nou travay pour ‘fer tou pep vin bann disip,’ nou souvan rankontre bann defi parey Zeremi. (Mat. 28:19) Kan nou egzamin sa ki i’n ekrir, sa pou ed nou akonplir nou minister avek konfyans ek devouman.
3. Ki mannyer nou kapab servi serten laspe dan liv Jeremiah?
3 Laspe sa liv: Bann verse Labib enportan ki merit ganny lir pandan letid i an italik. Letid sak semenn i fini par enn oubyen de kestyon enportan dan gro lekritir nwanr ki met lanfaz lo bann pwen enportan sa leson. Demann lodyans sa bann kestyon konman revizyon. I osi annan bann zoli portre dan sa liv ki san dout kongregasyon pou anvi koz lo la.
4. Ki mannyer nou kapab byen profite avek letid dan liv Jeremiah?
4 Pour ou byen profite, prepar ou leson davans. Rod bann pwen ki ou kapab servi dan predikasyon e dan ou lavi personnel. Partisip byen. Avek benediksyon Zeova, Zeremi ti akonplir son travay avek lazwa ek lakontantman. (Zer. 15:16) Si nou etidye byen sa liv, sa pou ed nou akonplir nou travay dan menm fason.