Prezantasyon

Pour konmans letid Labib premye wikenn Zen

Lir Izai 42:8. Apre dir: “Sa verse i montre ki Bondye i annan en non. Eski ou krwar i enportan pour nou servi non Bondye? [Les sa dimoun reponn.] Remarke ki sa i dir.” Donn sa met lakour Latour Veyer le 1 Zen an Angle e ansanm egzamin sa lenformasyon anba sa premye soutit lo paz 16. Ofer bann magazin, fer laranzman pour retournen pour diskit sa lot kestyon ki swiv.

The Watchtower 1 Zen

“Mon ti pou byen kontan pour konn ou pwennvi lo en size enportan. [Vir lo paz 3 e montre li sa lalis.] Lekel parmi sa bann pwen ki dekrir ou pwennvi lo Labib? [Les sa dimoun reponn.] Remarke ki Labib li menm i dir. [Lir Romen 15:4.] Sa magazin i koz lo senk rezon akoz Labib i en liv spesyal e i montre nou ki mannyer i kapab benefisye nou.”

Awake! Zen

“Sak lannen, i annan plizyer milyon dimoun ki tonm malad akoz manze ki’n ganny kontaminen. Dapre ou, eski ou panse ki manze ki nou gannyen i bon? [Les sa dimoun reponn.] Sa magazin i eksplik kat fason ki nou kapab protez nou fanmir avek bann maladi ki nou kapab gannyen dan manze. I osi koz lo en promes kot tre byento tou dimoun pou annan bann bon manze annabondans.” Lir Psonm 104:14, 15.