Prezantasyon
Pour konmans letid Labib premye wikenn Zen
“Preski tou dimoun ki nou koz avek ti a kontan ki i annan lape dan lemonn. Me kantmenm sa, nou vwar lager partou kote. Eski ou panse ki en lemonn kot i annan lape i zis en rev?” Les sa dimoun reponn. Apre, montre li dernyen paz Latour Veyer le 1 Zen an Angle e vwar ansanm sa lenformasyon anba sa premye kestyon e omwen en verse ki’n ganny site. Ofer sa magazin, e fer laranzman pour retournen pour diskit lot kestyon.
Not: Demonstrasyon pour sa prezantasyon i devret ganny fer pandan renyon predikasyon premye wikenn Zen.
The Watchtower Me-Zen
“Serten dimoun in demann sa kestyon, ‘Ki mannyer nou konnen Zezi ti vreman resisite?’ Eski ou’n deza reflesir lo la? [Les sa dimoun reponn.] Remarke akoz larepons i enportan. [Lir 1 Korentyen 15:14.] Sa magazin i montre ki Zezi ti vreman resisite.”
The Watchtower 1 Zen
“Nou pe fer en pti vizit dan kominote pour koz lo en problenm ki bokou dimoun i fer fas avek. Laplipar dimoun in eksperyans prezidis dan en fason oubyen en lot. Eski ou krwar i annan en landrwa dan lemonn kot napa prezidis? [Les sa dimoun reponn.] Remarke ki mannyer Bondye i konsider tou dimoun. [Lir Akt 10:34.] Sa magazin i montre ki mannyer Bondye pou elimin prezidis enn fwa pour tou.”
Awake! Zen
“Nou ti a kontan konn ou lopinyon lo en keksoz. I normal pour nou anvi en lavi pli meyer. Eski ou krwar keksoz materyel i kapab ed nou ganny sa lavi pli meyer? [Les sa dimoun reponn.] Remark sa ki Zezi ti dir. [Lir Lik 12:15.] Sa magazin i donn en pwennvi balanse lo bann keksoz materyel e sizesyon lo ki mannyer nou kapab kontrol lakantite ki nou depanse.”