Prezantasyon

Pour konmans letid Labib premye wikenn Oktob

“Mon asire ou pou dakor avek mwan ki lavi i paret tro kourt. Eski ou krwar ki en zour nou pou reisi elimin maladi e viv pli lontan? [Les sa dimoun reponn.] Remarke ki sa magazin i dir.” Donn sa met lakour Latour Veyer le 1 Oktob an Angle e ansanm egzamin sa lenformasyon anba sa premye soutit lo paz 16 ek omwen en verse Labib. Ofer bann magazin e fer laranzman pour retournen pour diskit sa lot kestyon ki swiv.

The Watchtower 1 Oktob

“Nou pe vizit dimoun ozordi akoz bokou i konsernen avek sa kantite koripsyon ki egziste dan biznes ek gouvernman. Eski ou krwar ki i annan kek keksoz ki kapab ganny fer konsernan sa problenm? [Les sa dimoun reponn.] Remark sa ki Labib i dir konsernan sa ki Zezi pou fer pour bann dimoun ki’n ganny afekte avek koripsyon. [Lir Psonm 72:12-14.] Sa magazin i montre nou konman ki tre byento koripsyon pou fini.”

Awake! Oktob

“Bokou paran i anvi zot zanfan i ganny en bon ledikasyon. Eski ou krwar ki bann zenn ki fini lekol avek en bon sertifika i byen prepare pour fer fas avek bann defi dan lavi konmela? [Les sa dimoun reponn.] Remark sa ki Labib i dir lo lenportans ganny konnesans ek lasazes. [Lir Eklezyast 7:12.] Sa magazin i donn senk sizesyon pratik pour ed bann zanfan reisi dan lekol.”