Prezantasyon

Pour konmans letid Labib premye Sanmdi mwan Oktob

“Nou pe vizit bann dimoun pour koz konsernan en bon gouvernman. Eski ou krwar ki okenn gouvernman i kapab retir bann problenm, tel parey vyolans ek lenzistis?” Les sa dimoun reponn. Fer sa met lakour rapel ki dan Lapriyer Notreper, Zezi ti ansenny son bann disip pour priye ki en tel gouvernman, setadir Rwayonm Bondye, i ganny etabli. Montre li dernyen paz Latour Veyer le 1 Oktob an Angle e vwar ansanm sa premye kestyon e omwen en verse Labib. Ofer sa magazin e fer laranzman pour retournen e diskit sa kestyon ki swiv.

Latour Veyer Septanm-Oktob

“Vi ki Bondye i tou pwisan, eski ou krwar ki i responsab pour tou bann move keksoz ki arive dan lemonn? [Les sa dimoun reponn. Apre lir Zak 1:13.] Sa magazin i eksplike akoz move keksoz i arive e ki Bondye pou fer pour met en lafen avek lemal ek soufrans.”

The Watchtower 1 Oktob

“Nou pe koz avek bann dimoun ozordi lo parol en lapriyer ki Zezi ti ansenny son bann disip ki sirman ou familye avek. [Lir Matye 6:9, 10.] Eski ou’n deza ganny en bon leksplikasyon lo ki si sa Rwayonm Bondye e akoz Zezi ti met bokou lanfaz lo la dan son bann lansennyman? [Les sa dimoun reponn.] Sa magazin i montre ki Labib i dir lo Rwayonm Bondye e serten byenfe merveye ki i pou anmennen lo later.”

Awake! Oktob

“Nou pe pas kot bann dimoun pour ed zot trouv larepons sa kestyon. [Montre li kouvertir sa magazin] Eski ou krwar ki en dimoun i bezwen ris pour vreman reisi dan lavi? [Les sa dimoun reponn.] Labib i donn en pwennvi balanse lo bann keksoz materyel. [Lir Lik 12:15.] Dapre Labib, i posib pour nenport dimoun reisi dan lavi. Sa magazin i koz lo sa size.”