Lekel ki pou enterese avek sa?
1. Kan nou lir nou kopi Latour Veyer oubyen Awake!, ki nou devret reflesir lo la e akoz?
1 Bann magazin Latour Veyer ek Awake! in ganny prepare pour tou sort kalite dimoun. Alor, bann lartik i koz lo plizyer topik. Anmezir ki nou lir sak lartik dan nou kopi personnel, nou devret reflesir lo lekel ki kapab enterese avek sa lartik e swazir en pwen pour diskit avek sa dimoun.
2. Ki topik dan nou magazin ki kapab enteres lezot?
2 Eski sa nimero Latour Veyer pour sa mwan i koz lo en topik lo Labib ki ou’n deza koz lo la avek ou koleg travay? Eski i annan en lartik baze lo lafanmir ki kapab ed en manm ou fanmir? Eski ou konn en dimoun ki pe planifye en vwayaz dan en landrwa ki Awake! in koz lo la? Eski enn sa bann magazin pou enteres serten dimoun dan biznes oubyen serten lofis gouvernman dan ou teritwar? Par egzanp, en magazin ki koz lo bann defi pour pran swen avek bann dimoun aze i kapab enteres bann ners ki travay avek bann dimoun aze. Dimoun dan lapolis oubyen lezot departman gouvernman i kapab enterese avek en magazin ki koz lo krim.
3. Rakont en leksperyans ki montre valer pour ofer bann magazin avek bann ki nou santi i enterese avek son konteni.
3 Rezilta: Apre ki zot ti’n ganny Awake! Oktob 2011 lo “How to Raise Responsible Children,” (Ki mannyer nou kapab elve bann zanfan responsab), en koup Sid Afriken ti telefonn 25 lekol dan zot teritwar konsernan sa magazin. Vennde parmi ti aksepte bann kopi e distribye avek zot bann zelev. En lot koup dan sa pei ti annan menm nide antet e zot ti kit bann kopi kot bann lekol dan zot teritwar. Bann ansenyan kot enn sa lekol ti deside pour servi sa magazin dan laklas. Sa koup ti rakont zot leksperyans avek sirveyan rezyonal e apre sa sirveyan ti ankouraz bann kongregasyon dan sa rezyon pour pres kot bann lekol dan zot teritwar. Biro brans ti ganny sitan bokou demann pour sa nimero ki zot ti bezwen reenprim li.
4. Akoz nou anvi ofer bann magazin avek plis dimoun ki nou kapab?
4 Nou bann magazin i eksplike akoz lemonn i dan problenm e i atir nou latansyon lo Labib ek Rwayonm Bondye. Zot sa sel de magazin lo later ki “anons delivrans.” (Iza. 52:7) Alor, nou anvi ofer li avek plis dimoun ki nou kapab. En bon fason pour fer sa, se ler ou demann ou lekor, ‘Lekel ki pou enterese avek sa?’