Prezantasyon

Pour konmans letid Labib premye wikenn Out

“Preski tou dimoun i priye dan en moman ou en lot. Menm bann ki pa krwar dan Bondye i priye kan zot dan problenm. Eski ou krwar Bondye i ekout tou lapriyer?” Les sa dimoun reponn. Montre li dernyen paz Latour Veyer Out an Angle e vwar ansanm sa premye kestyon ek omwen en verse Labib. Ofer bann magazin e fer laranzman pour retournen e diskit sa kestyon ki swiv.

Not: Demonstrasyon pour sa prezantasyon i devret ganny fer pandan renyon predikasyon premye wikenn Out.

The Watchtower 1 Out

“Nou pe vizit nou vwazen akoz bokou i konsernen avek lanpler ki pornografi in arive. Me, lezot i panse ki napa nanryen mal avek pornografi. Ki ou panse? [Les sa dimoun reponn.] Zezi ti dir ki nou kapab konnen si en keksoz i bon par get fri ki i prodwir. [Lir Matye 7:17.] Sa magazin i egzamin fri ki pornografi i prodwir. I osi donn bann sizesyon lo konman pour aret get pornografi.”

Awake! Out

“Laplipar nou i anvi viv pli lontan posib. Eski ou krwar lasyans i kapab fer nou viv pour touzour? [Les sa dimoun reponn.] Get sa zoli promes. [Lir 1 Korentyen 15:26.] Me ki mannyer Bondye pou fer sa? Eski atraver lasyans ouswa en lot mwayen? Akoz nou vin vye e mor? Sa magazin i donn larepons sorti dan Labib pour sa bann kestyon.”