Servi nou sit Enternet pour ansenny ou zanfan
1. Ki bi sa seksyon lo nou sit ofisyel ki annan pour tit “Children”?
1 Nou sit ofisyel jw.org in ganny fer pour atir dimoun tou laz. Sa seksyon ki annan pour tit “Children” (al lo Bible Teachings > Children) i ed bann zanfan ek paran pour vin pros avek kanmarad e avek Zeova. (Det. 6:6, 7) Ki mannyer ou kapab servi sa seksyon pour ansenny ou zanfan?
2. Ki mannyer ou kapab swazir bann lenformasyon apropriye pour etidye avek ou zanfan?
2 Adapte: Sak zanfan i annan son bann bezwen partikilye. (1 Kor. 13:11) Alor, kan ou pe etidye avek ou zanfan, ki mannyer ou kapab swazir bann lenformasyon apropriye pour son laz? Demann ou lekor: ‘Kwa ki pou enteres mon zanfan? Ki kantite zot pou konpran? Ki kantite letan zot kapab konsantre?’ Ou kapab diskit lo bann zistwar dan sa brosir “Mon leson dan Labib” avek bann zanfan ki annan 3 an oubyen mwens. Lezot fanmir i pli kontan servi bann zistwar dan Labib dan sa seksyon “Teach Your Children.” Egzamin lezot lenformasyon.
3. Ki mannyer bann paran i kapab byen servi bann zistwar ek aktivite ki trouve anba “Family Worship Projects”?
3 Proze pour Ladorasyon Fanmir: Sa bann proze i bann zouti ki en sef fanmir i kapab servi pour etidye avek son zanfan. Klik lo sa bouton pour download e lir “Parents’ Guide” pour sak proze pour aprann ki mannyer pour servi sa bann zistwar ek bann legzersis. Servi bann desen pour fer bann pti aktivite, par egzanp penn bann desen avek bann ki pli pti. Ed bann pli gran pour konplet bann aktivite. Vi ki tou bann aktivite dan sak proze i relye avek menm zistwar dan Labib oubyen leson alor, bann zanfan diferan laz i kapab partisip dan menm proze dan Ladorasyon Fanmir.
4. Ki nou kapab trouve anba sa seksyon “Become Jehovah’s Friend”?
4 Vin zanmi Zeova: Bann video, bann sanson ek aktivite dan sa seksyon lo nou sit ofisyel i kapab ed bann paran pour fer antre Parol Bondye dan leker zot zanfan. (Det. 31:12) Sak video i ansenny en leson enportan. Bann aktivite parey bann zwe kot ou bezwen rode e trouve i met lanfaz lo lenportans sa bann leson. Vi ki zanfan i kontan sante, sa bann sanson i ed zot rapel sa ki zot in aprann, bann kantik ek bann lezot sanson ki’n ganny fer espesyalman pour bann zanfan i ganny mete lo sit regilyerman.
5. Akoz bann paran i devret demann Zeova led pour ansenny zot zanfan laverite?
5 Paran, Zeova i anvi ou reisi. Alor, demann li pour ed ou ansenny ou zanfan laverite. (Ziz 13:8) Avek led Zeova, ou kapab form zot pour ganny “lasazes ki kondir dan lavi eternel par lafwa dan Kris Zezi.”—2 Tim. 3:15; Prov. 4:1-4.