Kwen Kestyon

◼ Eski en ser i devret kouver son latet ler en frer pe akonpanny li dan en letid devan laport?

Kan en ser pe kondwir en letid Labib ki regilye dan prezans en frer, sa ser i devret kouver son latet. (1 Kor. 11:3-10) Latour Veyer le 15 Zilyet 2002 paz 27 an Angle i eksplike ki ler en dimoun ki annan letid Labib, kot i pe ansenny sa etidyan, sa laranzman i form parti laranzman kongregasyon. “Si en ser i kondwir en letid dan prezans en frer, sa ser i devret kouver son latet.” Sa i osi aplik ler en frer ki pa ankor batize i akonpanny li. Si sa letid i ganny kondwir dan lakaz, devan laport, oubyen dan lezot landrwa, sa ser i devret kouver son latet.

Par kont, si en retourn vizit pa ankor vin en letid regilye, en ser pa pou bezwen kouver son latet dan prezans en frer, menm si rezon sa retourn vizit se pour konmans en letid Labib oubyen pour egzamin lenformasyon dan enn sa bann piblikasyon ki nou servi pour konmans en letid. Lefet ki bann letid Labib devan laport i parfwa ganny konmanse atraver plizyer retourn vizit, sa proklanmater i bezwen rezonnab pour konnen ler i apropriye pour kouver latet dan bann retourn vizit ki pe byen progrese.