Prezantasyon
Kote nou kapab trouv larepons bann kestyon enportan dan lavi?
Donn sa trak avek sa met lakour pour ki i kapab vwar sa tit e apre dir: “Nou pe partisip dan en kanpanny ki pe ganny fer dan lemonn antye pour distribye sa mesaz enportan. Sa ou kopi.”
Si ou pe kit sa trak kot lakour ki napa personn, met li dan en landrwa kot lezot dimoun pa pou vwar e evite ploy li si i pa neseser.
Si sa met lakour i demontre lentere oubyen anvi diskite, ou kapab demann li son lopinyon lo sa kestyon devan lo trak. Ouver sa trak e montre li sa ki Psonm 119:144, 160 i dir. Eksplik li ki sa trak i donn lenformasyon lo en sit Enternet ki kapab ed li pour trouv larepons satisfezan dan Labib. Petet ou kapab montre li en legzanp par zwe sa video Akfer etidye Labib? Avan ale, montre li sa trwa kestyon lo dernyen paz sa trak e demann li lekel parmi ki enteres li plis. Ofer pour retournen pour ki ou kapab montre li ki mannyer pour ganny larepons dan Labib pour sa kestyon par servi jw.org. Kan ou retournen, diskit sa larepons par get anba BIBLE TEACHINGS > BIBLE QUESTIONS ANSWERED.
Si ou pe osi distribye lenvitasyon pour lasanble rezyonal trwa zour, donn sa met lakour sa lenvitasyon an menm tan ki ou pe donn li sa trak e azoute, “An plis, nou’n donn ou en lenvitasyon pour en rasanbleman gratwit ki pou ganny fer byento.”
Latour Veyer Zilyet-Out
“Sigaret i touy apepre 6,000,000 dimoun dan en lannen. Eski ou krwar ki i annan en keksoz ki kapab aret sa? [Les sa dimoun reponn.] Bokou dimoun in ganny led pour aret fimen apre ki zot in konn pwennvi Bondye lo sa size. Par egzanp, sa verse Labib in fer serten reflesir lo ki mannyer sigaret i afekte lezot. [Lir 1 Korentyen 10:24.] Sa magazin i eksplike ki mannyer egzamin pwennvi Bondye lo fimen i kapab ed en dimoun pour aret fimen.”
The Watchtower 1 Out
Dan bann wikenn ler i apropriye, dir sa pour prezant Latour Veyer: “Nou ti pou osi kontan ofer ou nou bann nouvo magazin. Sa Latour Veyer i reponn sa kestyon, Eski Bondye i enterese avek ou?”
Awake! Out
Dan bann wikenn ler i apropriye, dir sa pour prezant Awake!: “Nou ti pou osi kontan ofer ou nou bann nouvo magazin. Sa Awake! i reponn sa kestyon, Ki mannyer dimoun i kapab fer lape?”