Servi li dan tou lokazyon

1. I itil pour fer kwa avek sa trak Konn laverite?

¹ Sa trak Eski ou ti a kontan konn laverite? in ganny fer pour ed nou konmans letid Labib. Me i osi en zouti efikas ki nou kapab servi pour senm lagrenn laverite partou kote. (Ekle. 11:6) La detrwa sizesyon ki pou ed nou servi sa trak byen.

2. Ki mannyer nou kapab servi sa trak pour konmans en konversasyon?

² Pour konmans en konversasyon: Ou kapab donn sa met lakour sa trak, montre li sa sis kestyon devan lo la e demann li: “Eski i annan enn ant sa bann kestyon ki ou’n deza demann ou lekor?” Apre ki i’n reponn, vwar larepons enn son kestyon dapre Labib ki trouve dan sa trak e lir en verse ki’n ganny site. Lir oubyen fer en rezimen lo sa lenformasyon ki trouve deryer lo sa trak e apre ofer li liv Ki Labib i dir. Menm si i pa aksepte sa liv, i’n ganny sa trak ki kapab fer laverite anrasinen dan son leker.—Mat. 13:23.

3. Ki nou kapab fer si en met lakour i okipe?

³ Si met lakour i okipe: Ou kapab dir: “Vi ki ou okipe, mon a kit sa trak avek ou. Ladan i annan sis kestyon de baz ki bokou nou, nou’n demann nou lekor e i klerman donn larepons ki sorti dan Labib pour sak sa bann kestyon. En lot fwa kan nou zwenn ankor, ou a dir mwan ki ou panse lo la.”

4. Ki nou kapab dir kan nou pe ofer sa trak lo semen?

⁴ Kan pe pres lo semen: Ou kapab dir: “Bonzour. Eski ou’n deza poz ou lekor enn ant sa bann kestyon? [Les sa dimoun reponn.] Sa trak i donn larepons kler e satisfezan ki sorti dan Labib.” Si sa dimoun pa pe degaze, ou kapab diskit en larepons dan sa trak e menm ofer li en liv Ki Labib i dir.

5. Ki mannyer nou kapab servi sa trak detanzaot kot bann lakour kot napa personn?

⁵ Kan napa personn kot lakour: Dan serten teritwar, normalman bann proklanmater i pran prekosyon pour kit bann piblikasyon dan en fason diskre kot bann lakour. Si zot abitye fer sa dan ou kongregasyon, akoz detanzaot ou pa kit sa trak Konn laverite kot bann lakour? Kan ou retourn kot sa lakour ou kapab dir: “Kan nou ti pas dan sa teritwar avan sa, ou pa ti la. Alor, nou ti kit sa trak anba ou laport. Lekel ant sa bann kestyon ki ou ti a kontan ganny larepons?”

6. Akoz sa trak Konn laverite i en zouti efikas dan predikasyon?

⁶ Sa trak Konn laverite i eksplik laverite dan en fason senp e kler. Sa trak i atir dimoun sorti dan tou larelizyon ek kiltir. I fasil pour prezante, menm bann proklanmater ki zenn e nouvo i kapab plas zot. Eski ou pe servi sa trak dan tou lokazyon ki apropriye?