TENM POUR SA MWAN: “PRES SA PAROL, PERSISTE POUR FER LI.”​—2 TIM. 4:2, NW.

Eksplik nou krwayans lo 1914

Bann lekritir i ankouraz nou pour “touzour pare pour donn en repons” konsernan nou krwayans, “avek labonte ek respe.” (1 Pyer 3:15, 16) An realite, petet nou trouv li difisil pour eksplik laverite profon dan Labib, tel parey ki mannyer nou konnen ki sa Rwayonm ti konmans dirize an 1914. Pour ed nou, en seri lartik an de parti in ganny prepare. I annan pour tit “En konversasyon avek en vwazen​—Kan ki Rwayonm Bondye ti konmans rennyen?” Sa bann lartik i aparet dan sa Latour Veyer ki nou pe donnen dan predikasyon pour mwan Oktob ek Novanm. Anmezir ki ou egzamin sa bann lartik, remark sa bann kestyon ki swiv lo fason Cameron, sa proklanmater dan sa senaryo in azir.

Ki mannyer i’n . . .

• felisit son vwazen senserman pour devlop en bon konversasyon?​—Akt 17:22.

• demontre limilite kan i pe eksplik son krwayans?​—Akt 14:15.

Akoz i byen ki i ti . . .

• fer en rezimen tanzantan avan koz lo bann lezot pwen?

• fer en poz detanzaot pour demann sa met lakour si i’n konpran sa ki i ti pe eksplik li?

• evite esey donn tro bokou lenformasyon dan zis en konversasyon? ​—Zan 16:12.

Pa nou vreman apresye ki Zeova nou “Gran Enstrikter,” in ansenny nou ki mannyer pour eksplik sa laverite o profon dan Labib avek bann ki santi sa bezwen pour ganny nouri spirityelman!​—Iza. 30:20.