Ki mannyer pour donn bann bon larepons?

Bann bon larepons i batir kongregasyon. (Ro 14:19) Bann ki pe reponn osi i benefisye. (Pr 15:23, 28) Alor nou devret esey reponn omwen en fwa dan sak renyon. Byensir, nou pa pou ganny swazir pour reponn sak fwa ki nou lev lanmen. Alor, i pli bon pour prepar plizyer larepons.

En bon larepons . . .

• i senp, kler e kourt. Laplipar ditan, i kapab ganny fer dan 30 segonn oubyen mwens

• i dan ou prop mo

• pa pe repet menm zafer ki en lot dimoun in dir

Si ou ganny swazir pour reponn premye . . .

• donn en larepons senp e direk pour reponn sa kestyon

Si sa kestyon in fini ganny reponn, ou kapab . . .

• fer resorti ki mannyer en verse ki’n ganny site i relye avek sa pwen ki pe ganny diskite

• mansyonnen ki lefe sa pwen i annan lo nou lavi

• eksplike ki mannyer nou kapab servi sa lenformasyon

• an bref rakont en leksperyans ki fer resorti en pwen enportan