Listen to God​—Ki mannyer pour servi sa brosir?

Sa brosir Listen to God in ganny fer pour ansenny bann lansennyman de baz ki dan Labib avek dimoun ki pa tro konn lir. Sak leson i lo de paz e i annan bann portre avek bann lendikasyon ki montre konman pour diskit bann portre annord.

Sa brosir Ekout Bondye e viv pour touzour i annan menm portre ki dan brosir Listen to God me i annan plis fraz pour lir e i kapab ganny servi avek bann etidyan ki konn lir en pe. Souvandfwa bann proklanmater i prefere servi sa brosir Ekout Bondye e viv pour touzour ler zot etidyan pe servi brosir Listen to God. Lo laplipar paz i annan en bwat avek lezot lenformasyon ki kapab ganny diskite depandan lo abilite sa etidyan.

Ou kapab ofer enn ant sa de brosir nenport ler menm si i pa pe ganny ofer sa mwan. Ler ou pe fer en letid Labib, servi bann portre pour eksplik sa ki Labib i dir. Demann kestyon ki pou enplik sa etidyan dan sa diskisyon e pour fer sir ki i’n konpran. Lir e diskit lo bann verse Labib a lafen sak paz. Apre ki i’n fini etidye sa brosir, servi sa liv Ki Labib i dir? pour ed ou etidyan progrese ziska batenm.