En fason pour servi sa brosir Mesaz Labib

En kantite dimoun dan teritwar pa familye avek Labib sirtou bann ki pa dan larelizyon Kretyen. Ler pe etidye sa liv Ki Labib i dir avek sa bann dimoun, serten proklanmater i servi sa brosir Mesaz Labib pour ed zot etidyan ganny en pti apersi lo Labib. Par egzanp, ler en frer ti pe fer sapit 3 dan liv Ki Labib i dir i ti servi sa premye seksyon dan sa brosir avek son etidyan. Apre sa, sak fwa ki i ti fini fer letid avek son etidyan i ti diskit en lot seksyon dan sa brosir. Eski ou pe etidye avek en dimoun ki pa tro familye avek Labib oubyen ki pa konn nanryen lo Labib? Pour ed sa dimoun aprann konsernan ‘Lekritir Sakre ki kapab donn li lasazes ki kondir ver lavi eternel,’ i ti a byen pour servi sa brosir Mesaz Labib ler pe etidye dan sa liv Ki Labib i dir.​—2 Tim. 3:15.