Ou kapab ankouraz en Kretyen inaktif

I pou annan bokou Kretyen inaktif ki pou asiste Memoryal Mardi le 11 Avril. Zot in konmans sa lakours pour ganny lavi me zot in ralanti pour diferan rezon. Serten sa bann rezon i ganny mansyonnen dan sa brosir Retourn kot Zeova. (Ebr 12:1) Me bann ki inaktif i ankor presye pour Zeova ki’n aste zot avek disan son Garson. (Akt 20:28; 1 Pyr 1:18, 19) Ki mannyer nou kapab ed zot pour retourn dan kongregasyon?

Bann ansyen dan kongregasyon i rod bann ki inaktif e ed zot zis parey en berze i rod son mouton ki’n perdi ziska ki i retrouv li. (Lik 15:4-7) Sa i montre lanmour ki Zeova i annan pour nou. (Zer 23:3, 4) Nou tou nou kapab ankouraz bann inaktif, pa zis bann ansyen. Zefor ki nou fer pour demontre labonte ek lafeksyon anver zot i fer plezir Zeova e nou pou ganny beni. (Pr 19:17; Akt 20:35) Alor, mazinen lekel ki ou pou kapab ankouraze e fer li san tarde!

GET SA VIDEO ENCOURAGE THE INACTIVE ONES E APRE DEMANN SA BANN KESTYON SWIVAN:

• Ki Abbey ti fer ler i ti zwenn en Temwen Zeova ki i pa ti konnen?

• Akoz nou bezwen al vwar bann ansyen si nou pe mazin ed en dimoun ki inaktif?

• Ki mannyer Abbey ti prepar li avan i ti al vizit Laura pour en dezyenm fwa?

• Ki mannyer Abbey ti persiste e demontre pasyans ek lanmour ler i ti pe esey ankouraz Laura?

• Ki nou kapab aprann avek sa legzanp ki Zezi ti donnen dan Lik 15:8-10?

• Ki byenfe in annan ler tou zefor in ganny fer pour ed Laura?