Ki mannyer pour servi legzanp en prezantasyon

Depi Zanvye 2018, legzanp en prezantasyon i lo kouvertir Nou minister ek lavi Kretyen​—Kaye renyon. Ki mannyer nou kapab servi sa bann legzanp en prezantasyon?

Ler ou annan en partisipasyon: Ou devret servi en kestyon, en verse Labib ek en lot kestyon pour prosenn vizit. Par kont, sa pa vedir ki ou devret dir egzakteman parey i’n ganny dir dan video legzanp en prezantasyon. Ou kapab servi diferan senn, lentrodiksyon, fason pour rezonn avek en dimoun ek lezot fason ankor. Ou osi kapab ofer en piblikasyon ki dan Zouti predikasyon, menm si i pa’n ganny mansyonnen.

Ler nou dan predikasyon: Legzanp en prezantasyon in ganny fer pour donn nou bann bon nide. Si en dimoun i demontre lentere e i anvi konn plis, ou kapab kontinyen sa konversasyon e petet servi sa ki dan legzanp en prezantasyon pour fer retourn vizit. Ou kapab aziste legzanp en prezantasyon oubyen servi en lot prezantasyon. Eski en keksoz oubyen en verse Labib ki’n ganny diskite dan bann mwan avan i kapab pli byen ganny servi dan ou teritwar? Eski dimoun kot ou reste i pli enterese avek en keksoz ki’n fek pase dan nouvel? Ou kapab servi legzanp en prezantasyon dan diferan fason. Me ou bi i devret pour “fer tou keksoz akoz sa bon nouvel pour ki [ou] kapab anons li avek lezot.”​—1Ko 9:22, 23.