Ki mannyer pour konmans en konversasyon avek bann trak?

Depi Zanvye 2018, bann legzanp prezantasyon i lo kouvertir Kaye renyon. Nou’n ganny ankouraze pour konsantre lo fer konversasyon avek dimoun dan plas zis distribye piblikasyon. Pour ed bann proklanmater avek zot prezantasyon, bann video legzanp en prezantasyon i montre ki mannyer pour konmans en konversasyon par servi zis Labib. Eski sa i vedir ki nou pa devret servi okenn piblikasyon ler nou pe prese portanport? Non! Par egzanp, nou kapab servi bann trak pour konmans en konversasyon. Nou kapab prezant nenport ki trak par:

1. Demann sa met lakour kestyon ki annan diferan larepons lo kouvertir sa trak.

2. Montre li sa verse Labib ki reponn sa kestyon ki anler lo dezyenm paz. Si i annan letan, lir e diskit serten lenformasyon ki dan sa trak.

3. Donn sa met lakour sa trak e ankouraz li pour fini lir sa trak ler i kapab.

4. Avan kit sa met lakour, montre li sa kestyon kot “Pour reflesir lo la” e fer laranzman pour diskit sa ki Labib i dir lo la, laprosenn fwa.

Ler ou retournen, reponn sa kestyon e kit en lot kestyon pour reponn laprosenn fwa. Ou kapab swazir en kestyon lo nou sit Enternet oubyen dan sa piblikasyon ki lo dernyen paz. Ler i apropriye entrodwir sa brosir Bon nouvel sorti kot Bondye oubyen en lot piblikasyon ki nou servi pour letid dan nou bann Zouti predikasyon.