VIV KONMAN EN KRETYEN
Fer atansyon pour pa donn fo lenformasyon
Ozordi, plizyer milyon dimoun i kapab fasilman ganny lenformasyon dan zournal, lo radyo, televizyon ek Enternet. Bann ki ador sa “Bondye laverite” pa devret donn bann fo lenformasyon menm si zot pa pe fer li par ekspre. (Ps 31:5 NWT; Eg 23:1) Ler nou donn lezot dimoun bann fo lenformasyon, sa i kapab fer en kantite domaz. Si ou anvi konnen si sa lenformasyon i vre, demann ou lekor:
‘Eski sa sours lenformasyon i diny konfyans?’ Petet sa dimoun ki pe donn sa lenformasyon napa tou detay. Bann detay i kapab sanze anmezir ki dimoun i pas lenformasyon avek lezot, alor fer atansyon si ou pa konnen kote sa lenformasyon i sorti. Bann frer ek ser i annan konfyans ki bann frer responsab dan kongregasyon pou donn zot bann lenformasyon ki egzakt, alor sa bann frer i devret verifye si en lenformasyon i vre oubyen non
‘Eski sa lenformasyon i kapab gat repitasyon en dimoun?’ Si sa lenformasyon i kapab sali repitasyon en dimoun oubyen en group, i pli byen pour pa repet sa lenformasyon avek lezot.—Pr 18:8; Fil 4:8
‘Eski sa lenformasyon i fer sans?’ Vey byen ler ou tann bann zistwar oubyen leksperyans ki egzazere
GET SA VIDEO KI MANNYER MON KAPAB ARET DONN NOUVEL DIMOUN? APRE REPONN SA BANN KESTYON SWIVAN:
Dapre Proverb 12:18, ki lefe nou parol i kapab annan lo lezot?
Ki mannyer Filipyen 2:4 i ed nou pour annan en pwennvi balanse ler nou pe koz lo lezot?
Ki nou devret fer ler dimoun i konmans malparl lezot oubyen boufonn zot?
Avan nou konmans koz lo lezot, ki kestyon nou devret demann nou lekor?