En kanpanny spesyal ki pou ganny fer Novanm pour anons Rwayonm Bondye

Zezi ti anons “bon nouvel Rwayonm Bondye.” (Lik 4:43) I ti osi ansenny bann dimoun pour priy pour sa Rwayonm. (Mt 6:9, 10) Pandan mwan Novanm, nou pou fer en zefor spesyal pour anons Rwayonm Bondye. (Mt 24:14) Aranz ou progranm pour ou partisip plennman dan sa kanpanny. Tou bann ki pou fer pionye asistan pour sa mwan i kapab swazir pour fer ant 30 oubyen 50 erdtan.

Montre en verse Labib ki koz lo Rwayonm Bondye avek kantite dimoun posib ki ou zwenn dan ou teritwar. Ler ou pe swazir en verse, gard antet ki larelizyon sa dimoun i ladan. Si en dimoun i demontre lentere lo premye konversasyon, donn li en kopi sa Latour Veyer piblik No. 2 2020. Apre, swiv son lentere o pli vit posib. Servi en piblikasyon dan Zouti predikasyon e esey konmans en letid Labib. I pa reste bokou letan avan ki Rwayonm Bondye i detri tou lotorite ki pe opoz son Rwayonm. (Da 2:44; 1Ko 15:24, 25) Alor, annou servi sa loportinite spesyal pour montre ki nou siport Zeova ek son Rwayonm!