Anons sa bon nouvel ki en lemonn meyer i pros!

Pandan mwan Novanm, nou pou fer en zefor spesyal pour anons sa bon nouvel ki en lemonn meyer i pros. (Ps 37:10, 11; Re 21:3-5) Aziste ou progranm pour ou partisip plennman dan sa kanpanny. Si ou fer laplikasyon pour fer pionye asistan pour sa mwan, ou kapab swazir pour fer ant 30 oubyen 50 erdtan.

Prepar en verse Labib ki koz lo nouvo lemonn pour montre o tan dimoun posib. Ler ou pe swazir en verse Labib, reflesir lo kwa ki kapab enteres dimoun dan ou teritwar. Si en dimoun i demontre lentere lo premye konversasyon, donn li en kopi sa Latour Veyer piblik No. 2 2021. Apre, swiv son lentere o pli vit posib e esey konmans en letid Labib dan sa brosir Viv ere pour touzour! Pa i en lazwa pour partisip plennman dan sa travay pour anons “bon nouvel konsernan en keksoz meyer”!​—Iza 52:7.

GET VIDEO SA SANSON THE NEW WORLD TO COME. APRE REPONN SA BANN KESTYON SWIVAN:

• Ki lavenir merveye ki sa pti fiy pe mazinen?

• Ki bann keksoz ki ou pe espere pour fer dan nouvo lemonn?

• Dan ki fason ler ou medit lo ou lespwar pour lavenir, sa i kapab ed ou dan ou preparasyon pour partisip plennman dan sa kanpanny pour Novanm?​—Li 6:45