Kanpanny spesyal le 16 Oktob ziska le 12 Novanm!
1 “Lafen fo Larelizyon i pros!” Sa i tit sa Nouvel Rwayonm No. 37, ki nou pou distribye dan lemonn antye konmansman mwan prosen. Depi le 1 Oktob ziska le 15 Oktob, nou pou ofer Latour Veyer ek Réveillez-vous! Konmansman Lendi le 16 Oktob ziska Dimans le 12 Novanm, nou pou distribye sa Nouvel Rwayonm No. 37, avek bokou devouman. Pandan bann wikenn ki nou pe fer sa kanpanny, nou pou ofer li ansanm avek bann nouvo magazin ki nou’n gannyen.
2 Lekel ki kapab partisipe: Tou sa bann ki aktif dan predikasyon pou anvi partisip plennman dan sa kanpanny. Serten pou kapab fer pionye asistan. Eski ou annan zanfan oubyen etidyan Labib ki pe progrese? Ankouraz zot pour apros bann ansyen pour vwar si zot kalifye pour vin en proklanmater. Bann ansyen i bezwen pran linisyativ pour vizit bann proklanmater ki inaktif e ankouraz zot pour zwenn nou dan sa kanpanny. Petet par ankouraz zot pour travay ansanm avek bann proklanmater ki annan leksperyans.
3 Aktyelman bann kopi sa Nouvel Rwayonm No. 37 pe ganny anvoye dan tou kongregasyon pour ki sak proklanmater ek pionye i ganny omwen 50 kopi. Bann ki pe asosye avek nou me ki pa ankor vin proklanmater, i kapab ganny senk kopi pour donn zot fanmiy ek zanmi. Alafen Oktob ek Novanm, tou proklanmater i devret ekrir lakantite kopi ki zot in plase par deryer zot rapor. Sekreter kongregasyon pou rikord lakantite kopi ki kongregasyon in distribye, e alafen sak mwan i pou anvoy sa rapor kot biro brans. Si apre kanpanny i reste ankor kopi sa Nouvel Rwayonm, zot kapab ganny itilize dan nenport laspe nou predikasyon.
4 Ki pour dir: Fer en prezantasyon ki kourt, akoz sa pou permet ou distribye plis kopi. Ou kapab dir: “Mon pe volonterman partaz en mesaz enportan ki pe ganny anonse dan lemonn antye. La en kopi pour ou. Silvouple lir li.” Petet i pou pli efikas si ou pa anmenn okenn sak avek ou ler ou al devan laport dimoun. Fer sir ou ekrir non sa bann ki’n montre lentere.
5 Konman kouver ou Teritwar: Olye distribye sa Nouvel Rwayonm dan semen, otan ki posib fer zefor pour ofer li port-an-port e dan teritwar biznes. Not bann lakaz kot ou pa’n zwenn personn, e esey retournen en lot ler oubyen zour dan lasemenn. Konmansman Lendi le 6 Novanm, nou kapab kit en kopi sa mesaz kot bann lakaz ki napa personn. Me si i pa posib pour kongregasyon kouver tou zot teritwar pandan sa letan ki’n ganny dezinyen pour distribye sa Nouvel Rwayonm, bann ansyen i kapab deside pour les en kopi kot bann lakaz ki napa personn toudilon kanpanny.
6 Destriksyon “Gran Babilonn” pe aprose a gran pa. Dimoun i bezwen sorti dan fo larelizyon avan ki i ganny detri konpletman. (Rev. 14:8; 18:8) Depi ozordi konmans fer plan pour partisip plennman dan sa kanpanny ki pou ganny fer dan lemonn antye pour fer dimoun konnen ki lafen fo larelizyon i pros!