Distribisyon Nouvel Rwayonm No. 38 an Novanm!
1. Ki kestyon dimoun i demande lo lanmor, e ki mannyer zot pou ganny larepons an Novanm?
1 Dan nenport ki larelizyon nou ladan, lanmor i en lennmi. (1 Kor. 15:26) Bokou i demande kote bann mor i ete e si zot pou vwar zot ankor. Alor, bann kongregasyon dan lemonn antye pou partisip dan en kanpanny pour distribye Nouvel Rwayonm No. 38 ki annan pour tit “Eski bann mor i vreman kapab viv ankor?” pandan en mwan. Sa kanpanny spesyal pou konmans le 1 Novanm. Apre kanpanny, sa Nouvel Rwayonm No. 38 pou ganny servi konman en trak dan predikasyon.
2. Ki mannyer Nouvel Rwayonm No. 38 in ganny fer?
2 Ki mannyer i’n ganny fer: Nouvel Rwayonm No. 38 in ganny fer pour ki nou kapab ploye pour ki son devan i montre sa tit enteresan e sa bann parol “Ki ou ti pou dir . . . wi? non? petet?” Kan sa dimoun pou ouver sa Nouvel Rwayonm i pou vwar sa ki Labib i dir lo sa kestyon ki tit sa trak e ki mannyer sa promes pou vedir pour li. I pou osi vwar akoz i kapab krwar sa ki Labib i dir. Deryer sa Nouvel Rwayonm i annan en kestyon enteresan ki pou fer sa dimoun reflesir lo la e envit li pour aprann plis.
3. Ki mannyer Nouvel Rwayonm No. 38 pou ganny distribye?
3 Ki mannyer i pou ganny distribye: Sa kanpanny pou menm parey avek sa kanpanny pour distribye lenvitasyon Memoryal ek Lasanble distrik. Bann ansyen pou eksplike ki mannyer pour kouver bann teritwar, annakor avek sa let le 1 Avril 2013 ki zot ti gannyen. Bann kongregasyon ki zot teritwar pa sitan gran i kapab ed lezot kongregasyon ki pli pros avek zot ki annan plis teritwar. Tou proklanmater i ganny ankouraze pour pran zis lakantite Nouvel Rwayonm No. 38 ki zot pou bezwen pour en semenn. Pandan kanpanny, bann kopi i kapab ganny distribye dan temwannyaz an piblik apre ki nou’n fini teritwar port an port. Si tou kopi in fini ganny plase avan kanpanny i fini, nou pou kapab servi sa piblikasyon ki pou ganny ofer pour sa mwan. Lo sa premye Sanmdi nou pa pou konsantre lo konmans letid Labib me plito lo sa kanpanny. Lo bann wikenn, nou devret osi ofer bann magazin kan i apropriye. Eski ou pe fer laranzman pour partisip plennman dan sa kanpanny spesyal?