Kanpanny pour anons Memoryal pou konmans le 1 Mars
1. Kan ki nou pou konmans anons Memoryal e akoz sa kanpanny i pli long sa lannen?
1 Nou pou konmans nou kanpanny Vandredi le 1 Mars pour envit lezot pour asiste Memoryal avek nou. Memoryal pou tonm le 26 Mars, ki vedir kanpanny pou en pti pe pli long ki dan lepase. Sa pou donn plis dimoun loportinite pour ganny en lenvitasyon, sirtou si zot reste dan en landrwa kot kongregasyon i annan en gran teritwar.
2. Ki laranzman pou annan konsernan lenvitasyon e pour kouver teritwar?
2 Konman pour organize: Bann ansyen pou dir nou konman teritwar pou ganny kouver, e osi si nou pou kit bann lenvitasyon kot bann absan. Si lenvitasyon i reste apre ki nou’n fini distribye portanport, nou kapab distribye larestan atraver temwannyaz enformel. Sirveyan servis pou fer sir ki i annan ase lenvitasyon lo kontwar piblikasyon pour bann proklanmater pran, me pa tou lenvitasyon ki pou ganny met deor. Nou merit pran zis lakantite lenvitasyon ki nou pou distribye pandan en semenn.
3. Ki nou devret gard antet ler nou pe ofer lenvitasyon?
3 Ki nou pou dir? I byen pour gard nou prezantasyon kourt, akoz sa pou permet nou ariv kot otan dimoun posib. Lo paz 4 i annan en prezantasyon ki nou kapab adapte avek nou teritwar. Byensir, nou pa devret taye pour ale si sa met lakour i zantiy e pe demann kestyon. Pandan wikenn, ler nou pe distribye bann lenvitasyon, nou devret osi ofer magazin ler i apropriye. Le 2 Mars, nou pou konsantre plis lo distribye lenvitasyon olye konmans letid Labib.
4. Akoz nou devret partisip avek devouman dan sa kanpanny?
4 Nou swete ki bokou pou zwenn nou pour Memoryal. Sa diskour pou eksplike ki sennla Zezi vreman. (1 Kor. 11:26) I pou met lanfaz lo konman ki son lanmor i ed nou. (Rom. 6:23) I pou osi met lanfaz lo lenportans pour mazin li. (Zan 17:3) Annou partisip avek devouman dan sa kanpanny!