En lenvitasyon spesyal
1. Kan ki sa kanpanny pour donn lenvitasyon pour bann lasanble 2014 i konmanse?
1 Si ou ti pe plàn en repa spesyal ki demann bokou zefor ek depans pour ou bann zanmi ouswa fanmir, sirman ou ti pou byen eksite pour envit zot. Pareyman, en kantite travay in ganny fer pour prepar sa festen spirityel ki pou ganny fer dan nou bann lasanble distrik e enternasyonal 2014. Trwa semenn avan nou lasanble i konmanse, nou pou annan sa privilez pour envit dimoun pour vin asiste. Kwa ki pou ed nou pour donn bann lenvitasyon avek lantouzyasm?
2. Kwa ki pou pous nou pour partisip plennman dan sa kanpanny?
2 Nou pou ganny pouse pour partisip plennman dan sa kanpanny si nou personnelman reflesir byen lo ki kantite nou benefisye avek sa festen spirityel ki Zeova i donn nou dan nou bann lasanble. (Iza. 65:13, 14) Nou devret rapel osi ki nou kanpanny tou le lannen i anmenn rezilta. Serten dimoun ki nou envite pou asiste lasanble avek nou. Nenport ki kantite ki pou asiste, nou kantite zefor pandan kanpanny pou anmenn louanz lo Zeova e reflekte son zenerozite.—Ps. 145:3, 7; Rev. 22:17.
3. Ki mannyer sa bann lenvitasyon pou ganny distribye?
3 Bann ansyen i devret deside ki mannyer kongregasyon i kapab distribye sa bann lenvitasyon, ki enkli si zot pou kit lenvitasyon anba laport kot bann absan oubyen si zot pou ofer li dan predikasyon enformel. Dan wikenn, bann magazin i devret ganny donnen ansanm avek sa lenvitasyon kan i apropriye. Si premye Sanmdi sa mwan i tonm pandan sa kanpanny, lanfaz i devret ganny mete lo distribye sa bann lenvitasyon olye konmans bann letid Labib. Apre ki sa kanpanny i fini, sirman nou pou byen kontan lefet ki nou’n partisip avek lantouzyasm e nou’n envit plis dimoun pour zwenn ansanm avek nou kot sa festen spirityel ki Zeova i donn nou!
[Bwat lo paz 4]
Ki ou pou dir?
Apre ki ou’n dir bonzour, ou kapab dir: “Nou pe partisip dan sa kanpanny ki pe ganny fer dan lemonn antye pour envit dimoun pour asiste en levennman spesyal. Dat, zour ek landrwa in ganny ekrir lo sa lenvitasyon.”