Kanpanny lenvitasyon lasanble

Tou le-z-an nou eksite pour al sa festen spirityel ki nou gannyen kot nou lasanble rezyonal. Nou envit o tan dimoun posib pour vin gout labonte Zeova ansanm avek nou. (Ps 34:8) Sak konsey ansyen pou deside ki mannyer pour pli byen servi bann lenvitasyon.

BANN PWEN KI NOU DEVRET RAPEL

• Ki dat lasanble?

• Kan ki kanpanny i konmanse?

• Ki zour ek ler bann renyon predikasyon?

• Ki mon lobzektif pour kanpanny?

• Lekel ki mon ti a kontan envite?

KI OU POU DIR?

Apre ki ou’n dir bonzour, kekfwa ou kapab dir:

“Nou pe partisip dan en kanpanny ki pe ganny fer dan lemonn antye pour envit bann dimoun en levennman enportan. Lo sa lenvitasyon ou pour trouv dat, ler ek landrwa ki i pe ganny fer. Nou ti pou byen kontan pour vwar ou.”

KI MANNYER OU KAPAB DEVLOP LENTERE?

Nou anvi envit o tan dimoun posib pour asiste lasanble, me kantmenm sa, si en dimoun i enterese pour aprann plis, nou devret pare pour devlop sa lentere.

Wikenn, ou kapab ofer bann magazin ansanm avek sa lenvitasyon.