PREPAR BYEN POUR PREDIKASYON | OGMANT OU LAZWA DAN PREDIKASYON
Tous zot leker
Nou lobeisans pour Bondye i sorti dan nou leker. (Pr 3:1) Alor, ler nou ansennyen, nou bezwen esey tous leker bann ki ekout nou. Ki mannyer nou fer sa?
Pa zis ansenny ou etidyan laverite ki sorti dan Labib, me ed li pour konpran ki mannyer sa ki i pe aprann i kapab ed li dan son lavi e pour osi annan en bon relasyon avek Zeova. Ed li pour vwar lanmour Zeova, son ladrwatir e sa ki i fer ki byen atraver son bann standar ki dan Labib. Zantiman demann li kestyon pour ed li reflesir lo ki mannyer i santi anver sa ki i pe aprann. Nou kapab osi ed li reflesir lo ki mannyer ki i pou amelyor son lavi si i sanz en move labitid. Ler ou pou vwar ki ou etidyan i annan en lanmour senser pour Zeova, ou lazwa pou ogmante.
GET SA VIDEO TROUV LAZWA DAN SA TRAVAY POUR FER DISIP. AMELYOR OU ABILITE—TOUS ZOT LEKER. APRE REPONN SA BANN KESTYON SWIVAN:
Akoz Neeta ti demann Jasmine: “Eski ou’n reflesir lo sa ki nou ti koz lo la Lendi?”
Ki mannyer Neeta ti servi bann standar ki dan Labib pour ed Jasmine konpran ki Zeova i kontan li?
Si nou tous leker nou etidyan, sa pou motiv li pour li vin pli pros avek Zeova
Ki mannyer Neeta ti ed Jasmine reflesir lo ki i kapab fer pour montre Zeova ki i kontan li?