Ed bann etidyan Labib pour aret bann move labitid

Zis bann ki prop moralman ki kapab annan en relasyon pros avek Zeova. (1Pyr 1:14-16) Anmezir bann etidyan Labib i aret bann move labitid, Zeova i kapab ed zot dan zot lavi fanmir, avek zot lasante e osi finansyerman.

Eksplik zot bann standar moral Zeova, rezon akoz Zeova i met sa bann standar e byenfe ki zot pou gannyen si zot swiv sa bann standar. Konsantre lo ed ou bann etidyan pour sanz zot fason panse e apre zot pou kapab fer sa ki Zeova i demann zot pour fer. (Efe 4:22-24) Reasir zot ki avek led Zeova, zot pou kapab aret sa bann move keksoz ki zot ti pe fer pour en bon pe letan. (Fil 4:13) Montre zot ki mannyer pour sipliy Zeova dan lapriyer ler zot ganny tante pour fer pese. Ed zot pour rekonnet e evit bann sityasyon ki kapab fer zot ganny tante. Ankouraz zot pour ranplas bann move labitid par fer bann keksoz ki pou annan en bon lefe lo zot. Ou pou ganny lazwa ler ou pou vwar ou etidyan Labib pe reisi fer bann sanzman avek led Zeova.

GET SA VIDEO ED OU BANN ETIDYAN LABIB POUR ARET BANN MOVE LABITID. APRE REPONN SA BANN KESTYON SWIVAN:

• 

  Ki mannyer bann ansyen ek Neeta ti montre ki zot ti annan konfyans dan Jasmine?

• 

  Ki mannyer Jasmine ti ganny plis led avek Neeta?

• 

  Ki mannyer Jasmine ti rod led avek Zeova?