Ed bann etidyan Labib pour devlop en relasyon personnel avek Zeova

Zeova i anvi nou servi li akoz nou kontan li. (Mt 22:37, 38) I lanmour pour Bondye ki pour donn bann etidyan Labib lafors pour fer bann sanzman neseser e pour tenir ferm ler zot fer fas avek problenm. (1Zan 5:3) I zot lanmour pour Bondye ki pou motiv zot pour batize.

Ed ou bann etidyan pour vwar ki Bondye i kontan zot. Demann bann kestyon parey: “Ki sa i ansenny ou lo Zeova?” oubyen “Ki mannyer sa i montre ki Bondye i kontan ou?” Ed zot pour vwar ki mannyer Zeova pe ed zot personnelman. (2Kr 16:9) Partaz bann legzanp kot Zeova i reponn ou lapriyer e ankouraz zot pour vwar ki mannyer Zeova i reponn zot lapriyer. Ou pou ganny bokou lazwa ler ou pou vwar ou bann etidyan Labib pe demontre lanmour pour Zeova e ki zot anvi vin son zanmi.

GET SA VIDEO ED OU BANN ETIDYAN LABIB POUR DEVLOP EN RELASYON PERSONNEL AVEK ZEOVA. APRE REPONN SA BANN KESTYON SWIVAN:

• 

  Ki lobstak Jasmine ti rankontre?

• 

  Ki mannyer Neeta ti ed Jasmine?

• 

  Ki mannyer Jasmine ti sirmont sa lobstak?