VIV KONMAN EN KRETYEN
Zot travay dir pour servi nou
Bann sirveyan rezyonal ek zot madanm i servi lezot par demontre sa kalite lanmour ki met lentere lezot premye. Parfwa, zot fatige oubyen dekouraze, zot annan lenkyetid e zot osi annan bann keksoz ki zot bezwen parey nou. (Zak 5:17) Me kantmenm sa, sak semenn zot konsantre lo ankouraz bann frer ek ser dan kongregasyon ki zot pe vizite. Bann sirveyan rezyonal i ganny konsidere “diny pour ganny plis loner.”—1Ti 5:17.
Ler zapot Pol ti plàn pour vizit kongregasyon Ronm pour li “ed zot spirityelman,” i ti vreman kontan ki zot ti pou kapab “ankouraz kanmarad.” (Ro 1:11, 12) Eski ou’n mazinen ki mannyer ou kapab ankouraz ou sirveyan rezyonal ek son madanm, si i’n marye?
GET SA VIDEO LAVI EN SIRVEYAN REZYONAL DAN EN TERITWAR IZOLE. APRE REPONN SA BANN KESTYON SWIVAN:
Ki diferan fason bann sirveyan rezyonal ek zot madanm i demontre lanmour ki met lentere lezot premye dan kongregasyon?
Ki byenfe ou gannyen avek zot zefor?
Ki mannyer nou kapab ankouraz zot?