Servi paz lakey lo JW.ORG dan predikasyon

Lo paz lakey lo nou sit Enternet i annan bann lartik ek video ki’n ganny fer pour atir bann dimoun senser ki pa Temwen Zeova. (Akt 13:48) I souvan diskit lo bann topik ki dan nouvel oubyen lo bann keksoz ki dimoun pe mazinen e koz lo la.

Ki mannyer ou kapab servi paz lakey lo jw.org dan predikasyon?

• Al lo nou sit regilyerman. Pran kont bann keksoz ki fek sorti e esey vwar ki mannyer ou kapab servi sa bann keksoz pour ed en dimoun ki enterese. (Pour vwar lezot lartik ek video ki ti disponib tou dernyenman lo paz lakey, klik “See More.”) Ler ou reste azour avek sa sit Enternet, sa pou ed ou ganny bann nouvo nide ki ou kapab servi dan predikasyon.

• Servi bann lartik ek video lo paz lakey pour konmans en konversasyon. Lo paz lakey, nou kapab ganny bann nide ki dimoun pe mazinen dan teritwar.

• Montre dimoun sa ki annan lo paz lakey. Fer resorti bann topik spesifik e montre sa dimoun ki mannyer pour rod lenformasyon lo nou sit Enternet.

• Partaz en link. Serten dimoun pa kontan pour koz avek nou an personn me zot kontan pour al lo nou sit Enternet. Alor pa ezite anvoy bann dimoun ki enterese sa link pour al lo paz lakey oubyen en lartik spesifik ouswa en video.