En sizesyon pour etidye

Ki mannyer pour servi sa seksyon “Kwa ki nouvo”

Sa seksyon “Kwa ki nouvo” lo jw.org e “What’s New” dan JW Library^® i montre bann nouvo lartik ek video ki disponib lo nou sit Enternet e dan sa app. Ki mannyer ou kapab servi sa seksyon pour ed ou reste azour avek bann dernyen lenformasyon?

JW Library

• I annan bann lartik ki ganny pibliye, ki ganny mete ansanm avek sa seri lartik ki i tonm ladan. Ler sa seri lartik i aparet dan sa seksyon “What’s New,” ou bezwen download sa seri lartik pour ou kapab ganny son versyon pli azour. Koumsa ou pou kapab lir sa nouvo lartik ki’n ganny azoute dan sa seri. Sa lartik pou aparet premye anler parski sa lalis in ganny aranze par dat.

• Petet ou pa kapab lir bann piblikasyon, parey en magazin, ki annan plis paz en sel kou. Ou kapab azout sa piblikasyon dan ou lalis Favorites pour ou kapab trouv li pli fasilman e pour ou kapab fini lir li. Enn fwa ki ou’n fini lir sa piblikasyon, ou kapab tir li dan ou lalis Favorites.

JW.ORG

I annan serten lenformasyon ki aparet zis lo jw.org e pa dan JW Library. Sa i enkli bann nouvel oubyen serten lanons. Pa oubliye pour al lo sa paz “Kwa ki nouvo” regilyerman, pour ou kapab vwar bann nouvo lartik ki fek ganny pibliye.