Nou sit ofisyel—I’n ganny fer pour benefisye nou ek lezot
Zezi ti donn nou sa responsabilite pour pres sa bon nouvel Rwayonm “partou dan lemonn pour tou dimoun konnen.” (Mat. 24:14) Pour ed nou ‘ranpli nou devwar plennman,’ watchtower.org, jw-media.org, ek jw.org in aprezan vin zis en sit, jw.org.—2 Tim. 4:5.
“Partou dan lemonn”: Apepre en tyer popilasyon lemonn i servi Internet. I’n vin sa premye sours lenformasyon pour bokou dimoun, espesyalman bann zenn. Nou sit i donn bann dimoun ki servi Internet vre larepons pour zot kestyon lo Labib. I entrodwir zot avek lorganizasyon Zeova e fer li fasil pour demann en letid Labib gratwit. I fer li posib pour sa bon nouvel ariv dan bann landrwa kot dimoun napa bokou loportinite pour tann mesaz Rwayonm.
“Pour tou dimoun”: Pour nou kapab rann temwannyaz avek “tou dimoun,” nou bezwen prezant mesaz Labib dan plizyer langaz. Bann dimoun ki vizit nou sit jw.org pou kapab ganny lenformasyon dan apepre 400 langaz, plis ki nenport lezot sit.
Servi li byen: Sa sit jw.org pa’n ganny fer zis pour rann temwannyaz avek bann dimoun ki pa Temwen, me i’n osi ganny fer pour Temwen Zeova. Si ou annan akse avek Internet, nou ankouraz ou pour aprann servi jw.org. Sa bann sizesyon swivan pou ed ou servi sa sit.
[Portre lo page 3]
Eseye
1 Tip www.jw.org dan bwat ladres lo Internet.
2 Eksplor sa sit par klik lo bann diferan seksyon, menu, ek link.
3 Esey servi jw.org lo ou mobayl oubyen lezot mwayen pour ganny akse avek Internet. Pozisyon bann lenformasyon lo sa paz pou sanze dapre groser lekran, me lenformasyon pou parey.