Rod lasazes pour nou lavi tou le zour an servan JW.ORG

Parol Bondye i donn nou tou sa ki nou bezwen pour fer fas avek problenm ki nou rankontre dan bann dernyen zour ki en letan vreman difisil. (2Ti 3:1, 16, 17) Kantmenm sa, i arive ki parfwa nou bezwen led pour trouv bann prensip Labib ki relye avek en sityasyon spesifik. Par egzanp, eski ou en paran ki pe rod konsey pour elve ou zanfan? Eski ou en zenn ki bezwen led akoz ou lafwa pe ganny teste? Eski ou dan dey akoz ou’n perdi ou konzwen dan lanmor? Lo jw.org, i annan lenformasyon ki pou ed ou vwar bann prensip Labib spesifik ki pou donn ou sa led ki ou bezwen pou fer fas avek sa sityasyon ek plizyer lezot ankor.​—Pr 2:3-6.

Lo paz lakey jw.org, selekte LO LABIB e swazir en kategori dan sa lalis. (Vwar portre 1.) Ouswa selekte BIBLIOTEK > BANN SERI LARTIK e swazir en kategori. (Vwar portre 2.) Ou kapab vwar bann menm kategori dan app JW Library^®.a Ou kapab pran letan pour get lezot lartik dan sa de landrwa. En lot opsyon i pour servi sa fonksyon resers lo jw.org pour rod lenformasyon lo en topik spesifik.

Tip sa bann topik swivan dan bwat resers e not bann lartik ki ou ti pou kontan lir.

• Elve zanfan

• Zenn avek depresyon

• Lanmor en konzwen