Servi nou sit Enternet dan predikasyon​—“Bible Questions Answered”

Sa seksyon “Bible Teachings” lo jw.org i annan en parti ki apel “Bible Questions Answered.” Si nou familye avek sa bann kestyon ki ganny demande souvan, nou kapab montre bann larepons dapre Labib lo nou sit Enternet avek bann met lakour. Sa bann kestyon i kapab ganny servi pour konmans en konversasyon dan predikasyon. Nou kapab swazir en kestyon ki pou enteres bann dimoun dan nou teritwar, demann sa met lakour son lopinyon e montre li ki Labib i dir par servi bann lenformasyon lo jw.org. Apre sa nou kapab eksplik oubyen montre li kote pour trouv nou lenformasyon. En lot opsyon se pour les li lir sa larepons direkteman lo sa sit Enternet. Madanm en sirveyan ti ganny en bon rezilta par dir, “Bokou dimoun i demande, ‘Eski Bondye i responsab pour nou bann soufrans?’ Eski ou ti a kontan konn larepons dan zis 51 segonn?” Apre sa i zwe versyon odyo sa larepons ki i’n download lo son mobayl oubyen tablet. I konklir par entrodwir sapit 11 dan liv Ki Labib i dir.