Servi jw.org ler ou pe prese

Nou sit Enternet i en zouti ki itil ler nou pe pres sa bon nouvel dan “tou bann landrwa pli elwannyen lo later.” (Akt 1:8) Laplipar met lakour pa kapab trouv jw.org lo zot menm. Souvan zot aprann lo sa sit apre ki en proklanmater in montre zot.

En sirveyan rezyonal in download sa video Akfer etidye Labib? lo son mobayl e sak fwa i ganny loportinite i montre bann dimoun. Par egzanp, kan i al portanport i dir: “Mon pe fer en pti vizit pour ed dimoun trouv larepons trwa kestyon enportan: Akoz sa lemonn i annan sitan bokou problenm? Ki mannyer Bondye pou rezourd sa bann problenm? Ki mannyer nou kapab siport sa bann problenm pour lemoman? Sa pti video i montre larepons sa bann kestyon.” Apre i zwe sa video e get reaksyon sa met lakour. Sa video i sitan atiran ki laplipar dimoun pa kapab aret gete ziska ki i fini. Apre sa sirveyan rezyonal i dir: “Parey ou’n vwar lo sa pti video, ou kapab demann en letid Labib. Vi ki mon la, mon kapab montre ou konman i ganny fer.” Si sa met lakour i dakor, sa sirveyan i montre li konman pour fer letid dan brosir Bon Nouvel. Si sa met lakour napa letan, i fer laranzman pour retournen en lot ler. Kan i arete pour pran en pti kafe, i esey servi sa menm prezantasyon avek en dimoun ki asiz o bor li apre ki i’n fer en pti konversasyon amikal avek li. Eski ou pe servi jw.org dan predikasyon?