Nou sit ofisyel—Servi li dan predikasyon
Ankouraz dimoun pour al lo sa sit: Bann ki ezite pour swa koz avek nou ouswa aksepte nou piblikasyon i souvandfwa pare pour al lo jw.org pour rod lenformasyon lo Temwen Zeova an prive. Alor ankouraz dimoun pour vizit nou sit a sak fwa ki loportinite i donnen.
Reponn bann kestyon: Parler en met lakour, en dimoun ki enterese, oubyen en dimoun ki konn ou i kapab demann ou en kestyon lo Temwen Zeova oubyen zot krwayans. Ou kapab montre li larepons deswit lo en mobayl oubyen lezot mwayen pour ganny akse avek Internet. I pli bon pour lir bann verse Labib ki’n ganny site direkteman dan Labib. Si ou napa akse direk avek Internet, eksplik sa dimoun ki mannyer i kapab servi jw.org pour trouv larepons pour li menm.—Klik lo “Bible Teachings” apre “Bible Questions Answered” oubyen “About Us” apre “Frequently Asked Questions.”
Anvoy en dimoun ki ou konnen en lartik oubyen piblikasyon: Atas en dokiman PDF ki ou’n download oubyen en fayl EPUB avek en imel. Oubyen download sa piblikasyon dan format odyo e met li lo en CD. Sak fwa ou donn en dimoun ki pa batize en liv, brosir, oubyen magazin konplet an form elektronik, ou kapab mark li konman en plasman. Fodre ki ou fer sa dimoun konnen ki se ou ki’n anvoy sa piblikasyon e piblikasyon pa devret ganny anvoye par gran kantite. I pa ni devret ganny mete lo okenn lezot sit Internet.—Klik lo “Piblikasyon.”
Bann dernyen nouvel lo Temwen Zeova: Sa pou ed bann etidyan Labib ek lezot dimoun devlop lapresyasyon pour lanpler ki sa travay predikasyon i ganny fer ek linite ki egziste parmi nou. (Ps. 133:1)—Klik lo “News.”
[Portre lo page 5]
Eseye
1 Get anba “Piblikasyon” pour trouv sa ki ou ti a kontan download e klik lo enn sa bann bouton dapre format ki ou ti a kontan pour ganny sa dokiman an form elektronik oubyen odyo.
2 Klik lo sa bouton MP3 pour vwar lalis bann lartik. (Si i annan dan ou langaz.) Klik lo tit sa lartik ki ou ti a kontan download oubyen klik lo ▸ pour ekout lo Internet.
3 Swazir langaz ki ou ti a kontan download en piblikasyon dan sa lalis.