Kote ou kapab trouv bann bon konsey ozordi?

Vi ki i annan bann sanzman ki pe ariv sitan vit dan lemonn, ki mannyer ou kapab asire ki bann swa ki ou fer i kapab fer ou ere? Ki mannyer ou kapab asire ki bann keksoz ki ou konsider byen ozordi pa pou ganny konsidere konman mal demen?

Labib i kapab ed ou fer bann swa ki ou pa pou zanmen regrete. Ki mannyer sa i posib? Labib i sorti kot nou Kreater e i konnen kwa ki pou fer nou vreman ere e viv an sekirite.

Nou kapab annan konfyans dan lasazes pratik ki dan Labib. Nou “toultan kapab depan lo son bann lord, la konmela e pour touzour.”—Psonm 111:8.

Akoz ou pa egzamin pour ou menm ki mannyer Labib i kapab ed ou dan sa lemonn ki pe kontinyelman sanze?