Servi Labib parey en laglas

Disip Zak ti dir ki Labib i parey en laglas ki kapab ed nou vwar ki kalite dimoun ki nou vreman ete. (Zak 1:22-25) Ki mannyer nou kapab servi Labib parey en laglas?

Pran ou letan ler ou pe lir. Si nou zis get dan laglas vitman, i kapab ki nou pa pou vwar si i annan en keksoz mal avek nou laparans. Dan menm fason, si nou lir Labib vitman, nou pa pou vwar sa ki nou bezwen aranze dan nou personnalite. Alor nou bezwen pran nou letan ler nou lir Labib.

Konsantre lo sa ki ou bezwen travay lo la dan plas konsantre lo defo lezot. Parfwa ler nou get dan en laglas nou kapab osi vwar refleksyon lezot e sa i kapab fer nou konsantre lo sa ki mal avek zot laparans. Sa i kapab arive ler nou pe lir Labib. I kapab ki nou lir Labib pour nou vwar sa ki lezot i bezwen aranze. Me sa pa pou ed nou pour amelyor sa ki nou, nou bezwen aranze.

Ou bezwen rezonnab. Si ler nou pe get dan laglas, nou konsantre zis lo sa ki mal avek nou laparans, sa i kapab fer nou dekouraze. Nou bezwen rezonnab ler nou pe lir Parol Bondye e pa ekspekte plis avek nou lekor ki sa ki Zeova i ekspekte.—Zak 3:17.