Zezi ti “aprann lobeisans”

Zezi in toultan obeir Zeova. (Zan 8:29) Alor akoz Labib i dir ki “i ti aprann lobeisans atraver bann keksoz ki i ti soufer”?—Ebr. 5:8.

Ler Zezi ti lo later, i ti fer fas avek bann sityasyon ki pa ti egziste dan lesyel. Par egzanp, son paran ti kontan Zeova me zot ti enparfe. (Lik 2:51) Bann sef relizye koronpi ek bann dirizan ki ti enzis pa ti tret li byen. (Mat. 26:59; Mark 15:15) Osi, i ti soufer avan i ti mor. Labib i dir: “I ti imilye son lekor e montre li obeisan menm ziska lanmor.”—Fili. 2:8.

Atraver sa bann sityasyon, Zezi ti aprann pour demontre lobeisans dan en nouvo fason. Sa i fer ki i kapab vin sa pli bon Lerwa ek Granpret, enn ki kapab konpran nou. (Ebr. 4:15; 5:9) I ti vin pli presye pour Zeova apre ki i ti’n aprann lobeisans atraver bann keksoz ki i ti soufer. Dan menm fason, ler nou kontinyen demontre lobeisans dan bann sityasyon difisil, nou kapab vin pli presye pour Zeova e Zeova i kapab servi nou pour akonpli nenport keksoz dan son servis.—Zak 1:4.