Imit zot lafwa
1. Ki nou pou egzaminen pandan Letid Labib Kongregasyon konmansman semenn le 19 Oktob?
1 Pandan semenn le 19 Oktob 2015, nou pou konmans egzamin sa liv Imit zot lafwa pandan Letid Labib Kongregasyon. Sa piblikasyon i egzamin legzanp lafwa 14 msye ek madanm dan Labib. I fer sa dan en fason ki lavi sa bann serviter fidel i vin vivan dan nou lespri e nou vwar zot konman bann dimoun reel ki’n kapab fer fas avek bann sityasyon difisil an menm tan ki zot ti pe servi Zeova. Sa liv i osi fer resorti bann leson pratik dan sa bann resi e ed nou aplik zot dan nou lavi.—Ebr. 6:12.
2. Eksplik serten laspe sa liv Imit zot lafwa.
2 Bann diferan laspe: Dan sa liv i annan en laliny kronolozik ek bann map pour ed nou konnen ki letan e kote sak sa bann personnaz ti viv. An plis ki sa, sak sapit i annan en laspe ki annan pour tit, “Pour reflesir lo la . . . ,” ki pou ed nou medit lo sa bann resi e aplik bann leson pratik ki nou’n aprann. Sa liv i osi annan bann zoli portre an kouler, byen detaye e son bann desen in ganny byen swazir pour fer sa bann resi vivan.
3. Ki nou kapab fer pou nou benefisye ler nou pe etidye sa liv?
3 Ki mannyer ou kapab benefisye: Sa let o konmansman sorti kot Konsey Direkter i ankouraz nou par sa bann parol, “Servi ou limazinasyon, gete, ekoute, santi e touse, sa pou fer sa bann resi vin pli reel pour ou. Esey santi parey sa bann personnaz Labib ti santi e esey vwar sa ki zot ti vwar. Konpar zot fason azir avek lafason ki ou ti pou azir dan sa sityasyon.” Byensir, nou pa pou servi nou limazinasyon pour al an deor konteks sa resi me plito esey santi parey sa bann personnaz Labib ti santi e esey vwar sa ki zot ti vwar. Nou bezwen medite e pran letan pour fer tousala. (Nee. 8:8) Si sa leson i konmans dan milye en sapit, sa kondikter letid pou konmans par fer en revizyon 30 a 60 segonn lo sa leson avan. Pour konklir sa revizyon, i kapab demann enn oubyen de kestyon si sa leson i napa sa laspe “Pour reflesir lo la . . . ,”
4. Akoz nou bezwen etidye sa liv Imit zot lafwa?
4 Nou pe viv dan en lemonn kot nou lafwa pe ganny afeblir sak zour dan en fason oubyen en lot. Sa liv e osi lezot seri “Imit zot lafwa” dan Latour Veyer ki sa liv i baze lo la i en kado sorti kot Zeova pou ed nou ranforsi nou lafwa. (Zak 1:17) Annou byen profit letid sa liv par asiste Letid Labib Kongregasyon regilyerman e partisip otan ki posib ler nou pe etidye sa piblikasyon ansanm!