Watchtower BIBLIOTEK LO ENTERNET
Watchtower
BIBLIOTEK LO ENTERNET
Kreol Seselwa
  • LABIB
  • PIBLIKASYON
  • RENYON
  • mwbr18 Desanm p. 1-5
  • Bann referans pour Kaye renyon Nou minister ek lavi Kretyen

Sa video pa disponib.

I annan en problenm avek sa video.

  • Bann referans pour Kaye renyon Nou minister ek lavi Kretyen
  • Bann referans pour Kaye renyon Nou minister ek lavi Kretyen (2018)
  • Soutit
  • 3-9 DESANM
  • 10-16 DESANM
  • 17-23 DESANM
  • 24-30 DESANM
  • 31 DESANM–6 ZANVYE
Bann referans pour Kaye renyon Nou minister ek lavi Kretyen (2018)
mwbr18 Desanm p. 1-5

Bann referans pour Kaye renyon Nou minister ek lavi Kretyen

3-9 DESANM

BANN TREZOR DAN PAROL BONDYE | AKT 9-11

“Sa enn ki ti persekit bann disip i vin en Kretyen devoue”

bt-E 60 ¶1-2

Kongregasyon ti “anpe”

BANN vwayazer ki ti pe vin Damas ti annan en move plan dan zot lespri. Zot ti pe plàn pour tir bann disip Zezi dan zot lakaz, anmar zot, imilye zot e trenn zot Zerizalenm pour pas devan Sannedren.

2 Sef sa group ki ti apel Sol ti responsab pour lanmor lezot dimoun. Resaman, i ti dakor ler en disip Zezi ki ti apel Etyenn ti ganny saboule avek ros ziska i mor. (Akt 7:57–8:1) Sol pa ti anvi persekit zis bann disip Zezi ki ti reste Zerizalenm me i ti anvi fer plis ki sa. I ti anvi elimin sa group ki ti apel “Semen.”​—Akt 9:1, 2; vwar bwat “Saul’s Mandate in Damascus,” lo paz 61 dan liv Bearing Thorough Witness.

bt-E 64 ¶15

Kongregasyon ti “anpe”

15 Eski ou kapab mazin reaksyon bann dimoun ler zot ti vwar Sol pe anons bon nouvel konsernan Zezi dan sinagog? I annan ki ti sirprann, en pe ti soke e lezot ti ankoler. Zot ti demande: “Pa li menm li sa zonm ki ti servi vyolans pour atak bann disip Zezi Zerizalenm?” (Akt 9:21) Ler Sol ti eksplike akoz in sanz son pwennvi konsernan Zezi, i “ti prouve avek bann largiman lozik ki Zezi i li menm Kris.” (Akt 9:22) Me pa tou dimoun ki ti krwar ki sa i lozik. I annan pa ti krwar akoz zot ti’n ganny enfliyanse par tradisyon e zot ti ranpli avek lorgey. Me kantmenm sa, Sol pa ti arete.

Rod bann perl spirityel

bt-E 60-61 ¶5-6

Kongregasyon ti “anpe”

5 Ler Zezi ti aret Sol lo semen Damas, i pa ti demann li: “Akoz ou pe persekit mon bann disip?” Parey nou’n vwar, Zezi ti demann Sol: “Akoz ou pe persekit mwan?” (Akt 9:4) Sa i montre ki Zezi i santi ler son bann disip i pas atraver problenm.​—Mat. 25:34-40, 45.

6 Si ou pe ganny persekite akoz ou lafwa dan Kris, ou kapab asire ki Zeova ek Zezi i konnen ki ou pe pas ladan. (Mat. 10:22, 28-31) I kapab ki pour le moman sa problenm i pou lanmenm. Rapel ki Zezi ti vwar rol ki Sol ti zwe dan lanmor Etyenn e ler i ti antre dan lakaz bann disip fidel Zerizalenm e trenn zot deor. (Akt 8:3) Kantmenm sa, Zezi pa ti entervenir. Me atraver Zezi, Zeova ti donn Etyenn ek lezot disip sa kouraz ki zot ti bezwen pour reste fidel.

not letid dan nwtsty-E dan Akt 10:6

Simon, en travayer lapo: En travayer lapo ti travay avek lapo zannimo e zot ti servi en lime solution pour tir pwal, lavyann oubyen lagres lo sa lapo. Apre i ti tret sa lapo avek en lalkol for pour ki i kapab ganny servi pour fer bann keksoz an kwir. I ti en prosesis ki ti bezwen en kantite delo akoz i ti anvoy loder. Sa i petet rezon akoz Simon ti reste pre avek lanmer, zis an deor Zope. Dapre Lalwa Moiz, en dimoun ki ti tous kadav en zannimo ti enpir. (Le 5:2; 11:39) Alor, bokou Zwif pa ti frekant bann travayer lapo e zot ti ezite reste avek en dimoun ki fer sa travay. Anfet, pli tar liv Talmud ti konsider louvraz bann travayer lapo pli ba ki travay en dimoun ki anmas malpropte. Par kont, Pyer pa ti les sa anpes li reste avek Simon. Lefet ki Pyer ti pare pour reste dan lakaz Simon sa ti prepar li pour en travay enteresan, setadir vizit en non Zwif dan son lakour. Serten spesyalis Labib i krwar ki sa mo Grek pour “en travayer lapo” (byr·seusʹ) ti sinyatir Simon.

10-16 DESANM

BANN TREZOR DAN PAROL BONDYE | AKT 12-14

“Pol ek Barnabas i al fer disip byen lwen”

bt-E 86 ¶4

“Dan lazwa e ranpli avek lespri sen”

4 Me akoz lespri sen ti dir met Barnabas ek Sol apar pour fer “en travay”? (Akt 13:2) Labib pa donn larepons me nou konnen i lespri sen ki ti swazir sa bann zonm. Napa okenn keksoz ki montre ki bann profet ek ansenyan Antyos pa ti dakor avek sa desizyon. O kontrer, zot ti siport sa desizyon. Mazin lafason ki Barnabas ek Sol ti’n bezwen santi ler zot bann frer spirityel, san okenn zalouzi, ‘ti zennen e priye, poz lanmen lo zot e fer zot ale.’ (Akt 13:3) Nou osi nou devret siport bann ki ganny responsabilite dan kongregasyon enkli bann zonm ki ganny apwente konman ansyen. Olye zalou zot bann privilez, nou devret “demontre en konsiderasyon ekstraordiner anver zot akoz zot travay.”​—1 Tesa. 5:13.

bt-E 95 ¶5

“Zeova ti donn zot lafors pour pres avek lardyes”

5 Premyerman, Pol ek Barnabas ti al Ikonyonm, enn parmi bann lavil prensipal dan provens Ronm ki apel Galasi e ki annan en kiltir Grek. Bokou Zwif ek bann dimoun ki ti’n konverti dan larelizyon Zwif ti reste dan sa lavil. Parey labitid, Pol ek Barnabas ti antre dan sinagog e zot ti konmans prese. (Akt 13:5, 14) Zot “ti koz sitan byen ki en gran lafoul Zwif ek Grek ti vin disip.”​—Akt 14:1.

Rod bann perl spirityel

not letid dan nwtsty-E dan Akt 13:9

Sol, ki ti osi apel Pol: Apartir sa moman, Sol ti ganny apele Pol. Sa zapot ti en Ebre ki ti osi annan sitwayennte Romen. (Akt 22:27, 28; Fil 3:5) I tre probab ki depi son lanfans, Sol ti son non Ebre e Pol ti son non Romen. I pa ti drol pour bann Zwif sa letan annan de non, espesyalman bann ki ti pe viv an deor Izrael. (Akt 12:12; 13:1) Serten fanmir Pol ti osi annan non Romen oubyen Grek. (Ro 16:7, 21) Konman “en zapot pour bann nasyon,” Pol ti ganny demande pour anons sa bon nouvel avek bann dimoun lezot nasyon. (Ro 11:13) Aparaman, i ti deside servi son non Romen akoz i ti panse ki i ti pou pli ganny aksepte parmi bann dimoun. (Akt 9:15; Ga 2:7, 8) Serten i krwar ki Pol ti servi son non Romen an loner Serzis Polous. I pa paret ki sa i vre vi ki Pol ti kontinyen servi sa non menm apre ki i ti’n kit Sip. Lezot i dir ki Pol ti evite servi son non Ebre akoz fason ki sa non ti ganny prononse an Grek i en pe parey en mo Grek ki refer avek en dimoun (oubyen en zannimo) ki vantar ler i marse.​—Vwar not letid dan Akt 7:58.

Pol: Dan Lekritir Grek Kretyen, sa non Pauʹlos ki sorti dan sa mo Laten Paulus, ki vedir “Pti,” i ganny servi 157 fwa ler i refer avek zapot Pol e en fwa ler i pe refer avek gouverner Sip ki ti apel Serzis Polous.​—Akt 13:7.

17-23 DESANM

BANN TREZOR DAN PAROL BONDYE | AKT 15-16

“Konsey direkter i fer desizyon baze lo Parol Bondye”

bt-E 102-103 ¶8

“Apre en kantite deba”

8 Lik i kontinyen par dir: “Me apre en kantite deba ek diskisyon ant Pol ek Barnabas ek sa bann dimoun, laranzman ti ganny fer pour ki Pol, Barnabas ek detrwa lezot frer i mont Zerizalenm kot bann zapot ek ansyen pour diskit sa zafer.” (Akt 15:2) Sa “deba ek diskisyon” ti arive akoz bann dimoun ti annan bann lopinyon for lo sa size sirkonsizyon e kongregasyon Antyos pa ti kapab rezourd sa problenm. Pour gard lape ek linite, kongregasyon ti fer laranzman pour met sa kestyon devan “bann zapot ek ansyen” Zerizalenm, ki ti form parti konsey direkter. Ki nou kapab aprann avek bann ansyen Antyos?

bt-E 123 ¶18

“Fortifye bann kongregasyon”

18 Pol ek Timote ti travay ansanm pour plizyer lannen. Konman sirveyan, zot ti fer diferan travay delapar konsey direkter. Labib i dir: “Dan sak lavil kot zot ti pase, zot ti fer bann disip konn desizyon ki bann zapot ek ansyen ti’n fer Zerizalenm pour ki zot kapab swiv sa bann lord.” (Akt 16:4) Avek letan kongregasyon ti swiv direktiv bann zapot ek ansyen Zerizalenm. Gras a zot lobeisans, “lafwa bann kongregasyon ti vin deplizanpli for e lakantite disip ti ogmante zour apre zour.”​—Akt 16:5.

Rod bann perl spirityel

not letid dan nwtsty-E dan Akt 16:37

nou bann sitwayen Romen: Pol ti en sitwayen Romen e i paret ki Silas osi ti enn. Dapre lalwa Romen, en sitwayen ti devret ganny zize dan en bon fason e i pa ti devret ganny pini an piblik san ganny zize. Bann sitwayen Romen ti annan serten drwa ek privilez nenport landrwa kot zot ti ale dan sa lanpir. En sitwayen Romen ti devret soumet avek lalwa Romen, pa lalwa en lavil. Ler en sitwayen Romen ti ganny akize, i ti kapab swazir pour ganny zize dapre lalwa sa lavil me i ti osi annan drwa pas devan en lakour Romen. Si i ti’n fer en krim ki merit lanmor, i ti annan drwa fer apel avek lanperer. Pol ti anons sa bon nouvel partou dan lanpir Romen. Dapre Labib, trwa fwa Pol ti servi son drwa konman en sitwayen Romen. Premye fwa i ti fer sa, i ler i ti dan lavil Filip kot i ti dir bann o zofisye ki zot pa ti pe respekte son drwa ler zot bat li.​—Vwar not letid dan nwtsty-E dan Akt 22:25; 25:11, pour sa de lezot fwa kot Pol ti servi son drwa konman en sitwayen Romen.

24-30 DESANM

BANN TREZOR DAN PAROL BONDYE | AKT 17-18

“Imit zapot Pol ler nou prese e ansennyen”

not letid dan nwtsty-E dan Akt 17:2, 3

ti rezonn: Pol pa ti zis koz avek zot lo sa bon nouvel. I ti eksplike e donn laprev sorti dan Lekritir, setadir dan Lekritir Ebre. I pa ti zis lir Lekritir me i ti rezonn avek zot e adapte son leksplikasyon dapre son lodyans. Sa verb Grek di·a·leʹgo·mai i vedir “fer en konversasyon; diskite,” setadir koz avek bann dimoun. Sa mo Grek i osi ganny servi dan Akt 17:17; 18:4, 19; 19:8, 9; 20:7, 9.

servi Lekritir pour prouve: Sa mo Grek i literalman vedir “met o bor.” I kapab ki Pol ti konpar bann profesi dan Lekritir Ebre avek bann levennman dan lavi Zezi pour montre ki mannyer Zezi ti akonpli sa bann profesi.

not letid dan nwtsty-E dan Akt 17:17

bazar: Sa bazar ti sitye Atenn, Nor Was avek Akropol (Grek a·go·raʹ) e i ti apepre 12 arpan oubyen plis. Sa bazar pa ti zis en landrwa kot dimoun ti aste e vann me i ti landrwa kot bokou dimoun ti zwenn ansanm pour bann rezon ekonomik, politik e kiltirel. Bann Atenyen ti kontan zwenn laba pour fer bann gran diskisyon.

not letid dan nwtsty-E dan Akt 17:22, 23

Pour en Bondye enkoni: Lo en lotel dan lavil Atenn, i ti annan sa bann mo Grek A·gnoʹstoi the·oiʹ. Bann Atenyen ti montre ki zot ti annan lafreyer pour bann bondye par konstri bokou tanp ek lotel. Zot ti menm fer lotel pour diferan bondye, tel parey bondye pour Popilarite, Modesti, Lenerzi, Lankourazman ek Pitye. Zot ti telman per pangar zot in oubliy en bondye e ki sa bondye pa beni zot, ki zot ti fer en lotel “pour en Bondye enkoni.” Sa lotel ti fer dimoun realize ki i annan en Bondye ki zot pa ti konn nanryen lo li. Pol ti get byen sa bann lotel ki zot ti fer pour bann Bondye e ti servi sanmenm pour montre zot ki i annan en sel vre Bondye ki zot pa ti ankor konnen.

Rod bann perl spirityel

not letid dan nwtsty-E dan Akt 18:21

si Zeova i permet: Sa lekspresyon i montre ki nou bezwen pran kont lavolonte Bondye ler nou pe fer en keksoz oubyen pe plàn fer en keksoz. Zapot Pol ti gard sa prensip byen antet. (1Ko 4:19; 16:7; Ebr 6:3) Disip Zak ti osi ankouraz son lekter pour dir: “Si Zeova i oule, nou a viv e nou pou fer sa oubyen sa.” (Zak 4:15) Sa bann lekspresyon pa devret zis ganny dir koumsanmenm. Okenn dimoun ki senserman dir “si Zeova i oule” i devret azir an armoni avek lavolonte Zeova. I pa toultan ki dimoun i dir sa lekspresyon for, me i souvan ganny dir dan leker.​—Vwar not letid dan Akt 21:14; 1Ko 4:19; Zak 4:15 ek Seksyon 2 dan En led pour etidye Parol Bondye oubyen App. C dan nwtsty-E.

31 DESANM–6 ZANVYE

BANN TREZOR DAN PAROL BONDYE | AKT 19-20

“Vey byen zot lekor e lo tou dimoun ki dan troupo”

bt-E 172 ¶20

“Mon pa responsab pour lanmor personn”

20 Lavi Pol ti totalman diferan avek bann ki ti pou pli tar fer ditor troupo. I ti travay pour siport son lekor pour li pa met okenn fardo lo kongregasyon. Pol pa ti ekspekte nanryen an retour ler i ti ed kongregasyon. I ti ankouraz bann ansyen dan Efez pour demontre en leta lespri sakrifis. I ti dir zot: “Ed sa bann ki feb e zot devret gard antet parol nou Senyer Zezi ler li menm i ti dir: ‘I annan plis lazwa pour donnen ki pour resevwar.’”​—Akt 20:35.

Rod bann perl spirityel

bt-E 161 ¶11

“Kontinyen propaz partou e vin deplizanpli pwisan” malgre lopozisyon

11 I kapab ki Pol ti fer diskour kot sa lekol depi 11er bomaten ziska apepre 4er apremidi tou le zour. (Akt 19:9) I tre probab ki i ti sa letan pli trankil pandan lazournen parski bokou dimoun ti aret zot louvraz pour manze e repoze vi ki i ti vreman so. Mazinen si Pol ti fer sa toulezour pour de-z-an, i ti pou’n pas plis ki 3,000 erdtan pe ansennyen. Sa i en lot rezon akoz parol Zeova ti kontinyen propaz partou e vin deplizanpli pwisan. Pol ti travay dir e pare pour adapte. I ti aranz son progranm pour ki son travay predikasyon i adapte avek bezwen dimoun dan kominote. Ki ti arive apre? “Finalman tou bann ki ti pe reste dan provens Lazi, Zwif konman Grek, ti tann parol Senyer.” (Akt 19:10) Pa i ti vreman rann temwannyaz afon!

bt-E 162-163 ¶15

“Kontinyen propaz partou e vin deplizanpli pwisan” malgre lopozisyon

15 Apre ki bann garson Seva ti’n ganny imilye, bokou dimoun ti per e sa ti fer zot krwar dan Bondye e aret bann pratik demonyak. Bann dimoun ki ti reste Efez ti kontan bann keksoz ki annan pour fer avek mazik. Bokou zot ti kontan zet move sor lo lezot, zot ti annan gard kor e osi bann liv kot zot ti ekri bann sor. Bokou dimoun Efez ki ti fer mazik ti anmas zot liv e bril zot devan tou dimoun. Ozordi sa bann liv ti pou ariv lavaler plizyer dizenn milye dolar. Lik i dir: “Dan en fason ekstraordiner, parol Zeova ti kontinyen propaz partou e vin deplizanpli pwisan.” (Akt 19:17-20) Pa sa ti en gran laviktwar lo bann fo lansennyman ek pratik demonyak! Sa bann dimoun fidel in kit en bon legzanp pour nou ozordi. Nou osi nou viv dan en lemonn ki ranpli avek bann pratik demonyak. Si nou annan en keksoz ki annan pour fer avek bann pratik demonyak, nou pou fer parey bann dimoun Efez e debaras nou avek sa bann keksoz! Annou reste pli lwen posib avek sa bann pratik degoutan menm si i kout nou ser.

    Piblikasyon an Kreol Seselwa (2000-2026)
    Log out
    Log In
    • Kreol Seselwa
    • Share
    • Preferans
    • Copyright © 2025 Watch Tower Bible and Tract Society of Pennsylvania
    • Regilasyon lizaz
    • Lenformasyon personnel
    • Bann paramet konfidansyel
    • JW.ORG
    • Log In
    Share