Lasanble rezyonal i en loportinite pour demontre lanmour

Akoz nou vreman kontan nou bann lasanble rezyonal? Zis parey an Izrael dan lepase, dan nou letan, nou bann lasanble i donn nou sa loportinite pour ador Zeova ansanm avek plizyer milye frer ek ser. Nou kontan akoz tou sa bann lenformasyon ki nou gannyen i ed nou reste pros avek Zeova. Nou osi apresye sa bann bon moman ki nou pase avek fanmir ek zanmi. Alor nou anvi asiste tou le trwa zour lasanble.

Ler nou ganny en lokazyon pour zwenn ansanm, nou pa devret mazin zis sa ki nou kapab gannyen personnelman me osi mazinen ki mannyer nou kapab demontre lanmour anver lezot. (Ga 6:10; Ebr 10:24, 25) Ler nou ouver e tenir laport pour en frer oubyen en ser, ouswa anmas zis sa plas ki nou pou servi, nou montre ki nou pe met lentere lezot avan. (Fil 2:3, 4) Lasanble rezyonal i donn nou sa bon loportinite pour fer nouvo zanmi. Avan e apre progranm lasanble oubyen pandan poz midi, nou kapab fer li nou lobzektif pour koz avek en dimoun ki nou pa konnen. (2Ko 6:13) Nou kapab konmans en lanmitye ki pou dire pour touzour. Pli enportan ki tou, ler dimoun i vwar nou pe demontre vre lanmour an aksyon, zot kapab deside pour servi Zeova ansanm avek nou.​—Zan 13:35.

GET SA VIDEO “LOVE NEVER FAILS”! INTERNATIONAL CONVENTIONS. APRE REPONN SA BANN KESTYON SWIVAN:

• 

  Ki mannyer bann frer ek ser ti demontre lanmour pour bann delege dan lasanble enternasyonal 2019?

• 

  Akoz sa linite ek lanmour ki egziste parmi pep Zeova i sitan remarkab?

• 

  Ki laspe lanmour Kretyen ki Konsey Direkter ti met lanfaz lo la?

• 

  Ki mannyer lanmour Kretyen in inifye nou bann frer an Lalmanny ek Sid Kore?

• Ki nou devret determinen pour fer?