PWEN 16

Ankourazan e pozitif

Zob 16:5

KI OU BEZWEN FER: Konsantre lo solisyon pa lo problenm. Montre ou lodyans ki zot kapab fer li.

Devlop en pwennvi pozitif lo ou lodyans. Ou devret annan konfyans ki ou bann frer ek ser i anvi fer plezir Zeova. Menm si ou bezwen donn konsey, premyerman felisit senserman si i posib.

Koz avek lanmour, pa avek lakoler oubyen fristrasyon. Fer en zoli sourir pour ki bann ki ekout ou i vwar ki ou konpran zot e ki zot kapab annan konfyans dan ou.
Pa koz bokou lo bann keksoz negatif. Koz lo bann keksoz negatif zis ler i pou ede pour met lanfaz lo en keksoz pozitif. An zeneral, ou prezantasyon i devret pozitif e ankourazan.
Servi byen Parol Bondye. Montre zot sa ki Zeova in fer, pe fer oubyen pou fer pour limanite. Donn lespwar e ankouraz ou lodyans.