A Citak Vantung Mite Etteh Un

1-2. (a) Vantung mite tawh bang teng kibang lo i hiam? (b) Vantung mite tawh bang teng kibang i hiam?

ကျွန်တော်တို့ကို အမှန်​တရားထဲ ယေဟောဝါ​ဘုရား ဆွဲဆောင်​တာ​ဟာ မေတ္တာ​လွှမ်းခြုံ​တဲ့ မိသားစုထဲ ဆွဲဆောင်​လိုက်​တာ​ပါပဲ။ ဒီ​မိသားစု​မှာ ကမ္ဘာ​တစ်ဝန်းက ညီအစ်ကို/မတွေ​နဲ့ သစ္စာရှိ ကောင်းကင်တမန် သန်းချီ ပါဝင်တယ်။ (ဒံ. ၇:၉၊ ၁၀) ကောင်းကင်တမန်တွေ​လို့ ပြောလိုက်ရင် ကျွန်တော်တို့နဲ့ ဘာတွေ မတူသလဲ​ဆိုတာကို စဉ်းစားမိတတ်ကြတယ်။ ဥပမာ၊ ကောင်းကင်တမန်တွေဟာ လူတွေ ဖန်ဆင်း​မခံရခင် နှစ်ပေါင်း​များစွာ​ကတည်းက ဖန်ဆင်းခံရ​တယ်။ (ယောဘ ၃၈:၄၊ ၇) လူတွေ​ထက် တန်ခိုး​အစွမ်းအစ ပို​ရှိတယ်။ မစုံလင်သူတွေ လက်လှမ်း​မမီ​တဲ့ အတိုင်းအတာနဲ့ သန့်ရှင်း​တယ်၊ ဖြောင့်မတ်​တယ်။—လု. ၉:၂၆။

^၂ ကောင်းကင်တမန်တွေ​နဲ့ ကျွန်တော်တို့ မတူတာ​တွေ ရှိသလို တူ​တာ​တွေ​လည်း အများကြီး ရှိပါတယ်။ ဥပမာ၊ ကောင်းကင်တမန်တွေ​လိုပဲ ကျွန်တော်တို့ဟာ ယေဟောဝါရဲ့ အရည်အသွေးတွေကို အတုယူ​နိုင်တယ်။ လွတ်လပ်စွာ ရွေးချယ်ခွင့် ရှိတယ်။ နာမည်၊ ကိုယ်ရည်​ကိုယ်သွေး၊ တာဝန်​ကိုယ်စီ ရှိတယ်။ ဖန်ဆင်းရှင်ကို ကိုးကွယ်​ဖို့ ပုံစံ​ပြု​ခံထားရ​တယ်။—၁ ပေ. ၁:၁၂။

3. A citak vantung mite kiang pan bang teng etteh thei i hiam?

^၃ ကောင်းကင်တမန်တွေ​နဲ့ ကျွန်တော်တို့ တူ​တာ အများကြီး ရှိလို့ သူတို့ရဲ့ စံနမူနာ​ကနေ သင်ခန်းစာ​တွေ ယူနိုင်တယ်။ ဥပမာ၊ သစ္စာရှိ ကောင်းကင်တမန်တွေ နှိမ့်ချမှု ရှိတာ၊ လူတွေကို ချစ်တာ၊ ခံနိုင်ရည် ရှိတာ၊ အသင်းတော် စင်ကြယ်​စေဖို့ ကြိုးစားတာကို အတုယူနိုင်တယ်။ ဘယ်လို အတုယူ​နိုင်​ကြောင်း ဒီ​ဆောင်းပါး​မှာ လေ့လာကြပါမယ်။

VANTUNG MITE KINIAMKHIATNA NEI UH

4. (a) Vantung mite in kiniamkhiatna a neih lam uh koi bangin lak khia a hiam? (b)Ba’hang vantung mite kiniamkhiatna nei uh a hiam? (Late 89:7)

^၄ သစ္စာရှိ ကောင်းကင်တမန်တွေဟာ နှိမ့်ချမှု ရှိတယ်။ အတွေ့အကြုံ များပေမဲ့၊ တန်ခိုး၊ ဉာဏ်ပညာ ကြီးမား​ပေမဲ့ ယေဟောဝါ​ဘုရားရဲ့ အမိန့်ကို နာခံ​တယ်။ (ဆာ. ၁၀၃:၂၀) တာဝန်​ထမ်းဆောင်တဲ့​အခါ ဘယ်တော့မှ ဂုဏ်​မဖော်ဘူး။ အာရုံ​စိုက်​ခံရဖို့ ရည်ရွယ်ချက်နဲ့ တန်ခိုး​မပြဘူး။ နာမည် ဖော်ပြ​မခံရ​ရင်တောင် ဝမ်းမြောက်​ဝမ်းသာ တာဝန်​ထမ်းဆောင်တယ်။a (က. ၃၂:၂၄၊ ၂၉။ ၂ ဘု. ၁၉:၃၅) ယေဟောဝါသာ ရထိုက်တဲ့ ဂုဏ်တင်​ချီးမွမ်းမှု​ကို မမက်မောဘူး။ ကောင်းကင်တမန်တွေ ဘာကြောင့် ဒီလောက် နှိမ့်ချမှု ရှိသလဲ။ ယေဟောဝါကို ချစ်လို့၊ သိပ်​ကြည်ညို​လေးစားလို့​ပါပဲ။—ဆာလံ ၈၉:၇ ကို ဖတ်ပါ။

5. Vantungmi khat in sawltak Johan thu a hilh lai-in kiniamkhiatna koi bangin na lak a hiam? (Lim zong en in.)

^၅ ကောင်းကင်တမန်တွေ နှိမ့်ချမှု ရှိကြောင်း ပေါ်လွင်​တဲ့ ဖြစ်ရပ်​တစ်ခု သုံးသပ်​ကြည့်ပါ။ အေဒီ ၉၆ လောက်​မှာ တမန်တော် ယောဟန်ကို ကောင်းကင်တမန်​တစ်ပါး စိတ်​အာရုံ မြင်စေတယ်။ အဲဒီ​ကောင်းကင်တမန်​ရဲ့ နာမည်ကို ကျမ်းစာမှာ ဖော်ပြ​မထားဘူး။ (ဗျာ. ၁:၁) စိတ်အာရုံ မြင်တော့ ယောဟန် ဘာလုပ်သလဲ။ ကောင်းကင်တမန်​ကို ပျပ်ဝပ်​ကိုးကွယ်​ဖို့ လုပ်တယ်။ ကောင်းကင်တမန် ချက်ချင်း တားတယ်။ “သတိထားပါ​ဦး။ အဲဒီလို​မလုပ်ပါနဲ့။ ကျွန်တော်လည်း . . . ခင်ဗျား​နဲ့ ခင်ဗျားရဲ့ ညီအစ်ကိုတွေ​လိုပဲ ကျွန်​တစ်ယောက်​ပါ။ ဘုရားသခင်ကို​သာ ကိုးကွယ်​ပါ” လို့ ပြောတယ်။ (ဗျာ. ၁၉:၁၀) ကောင်းကင်တမန် တကယ် နှိမ့်ချမှု ရှိတာပဲ။ ဂုဏ်တင်​ချီးမွမ်းမှု​ကို မမက်မော​ဘူး။ ယေဟောဝါ​ဘုရားကို ကိုးကွယ်​ဖို့ ယောဟန်ကို ချက်ချင်း သတိပေးတယ်။ ဒါပေမဲ့ ယောဟန်ကို အထင်​မသေး​ဘူး။ ယောဟန်​ထက် အမှုဆောင်​သက်တမ်း ပို​များပေမဲ့၊ အစွမ်းအစ ပို​ရှိပေမဲ့ ‘ကျွန်တော်လည်း ခင်ဗျား​လို ကျွန်​တစ်ယောက်​ပါ’ လို့ နှိမ့်ချမှု​ရှိရှိ ပြောတယ်။ သက်ကြီး တမန်တော် ယောဟန်ကို တည့်မတ်​ပေးပေမဲ့ ပြစ်တင်​ကြိမ်းမောင်း​တာ၊ ခက်ခက်ထန်ထန် ဆက်ဆံတာ​မျိုး မလုပ်ဘူး။ ကြင်နာမှု​ရှိရှိ ပြောတယ်။ စိတ်​အာရုံကြောင့် ယောဟန် အံ့ဩ​သွား​လွန်းလို့​သာ ဒီလို​ပျပ်ဝပ်​ကိုးကွယ်​ဖို့ လုပ်မိတာ ဖြစ်မှန်း နားလည်​ပေး​ပုံ​ရတယ်။

6. Vantung mite ii kiniamkhiatna koi bangin etteh thei i hiam?

^၆ ကောင်းကင်တမန်တွေ နှိမ့်ချမှု ရှိတာနဲ့ပတ်သက်ပြီး ဘယ်လို အတုယူနိုင်သလဲ။ ကျွန်တော်တို့လည်း ဘုရားပေး​တာဝန် ထမ်းဆောင်တဲ့​အခါ ဂုဏ်​မဖော်​သင့်​ဘူး။ အာရုံ​စိုက်​ခံ​ရအောင် မလုပ်သင့်ဘူး။ (၁ ကော. ၄:၇) တခြားသူတွေ​ထက် အမှုဆောင်​သက်တမ်း ပိုများ​လို့၊ အခွင့်ထူးတွေ ပို​ရလို့ ပိုသာတယ်​ဆိုပြီး မခံစား​သင့်​ဘူး။ အခွင့်ထူးတွေ ပို​ရ​လေ နှိမ့်ချ​လေ ဖြစ်သင့်တယ်။ (လု. ၉:၄၈) ကောင်းကင်တမန်တွေ​လိုပဲ တခြားသူတွေ​အကျိုး ကျွန်တော်တို့ သယ်ပိုး​ချင်ကြပါတယ်။ ကိုယ့်​ဂုဏ်​ကိုယ် မဖော်​ချင်ကြ​ပါ​ဘူး။

7. Mi khat peuhpeuh tungah thu i hilh hun ciang, le i taii hun ciang kiniamkhiatna koi bangin lak thei i hiam?

^၇ ညီအစ်ကို/မ​တစ်ယောက်ကို ဒါမှ​မဟုတ် ကိုယ့်​သားသမီးကို တည့်မတ်​ပေး​ရတဲ့​အခါ၊ အကြံ​ပေး​ဆုံး​မရတဲ့​အခါလည်း နှိမ့်ချမှု ပြနိုင်တယ်။ ပြတ်ပြတ်သားသား တည့်မတ်​ပေးဖို့ လိုအပ်ချိန်​တွေ ရှိနိုင်ပါတယ်။ ယောဟန်ကို ကြင်နာမှု​ရှိရှိ တည့်မတ်​ပေးခဲ့တဲ့ ကောင်းကင်တမန်​ကို အတုယူ​သင့်တယ်။ ပြတ်သား​ပေမဲ့ တစ်ဖက်သားကို စိတ်​အားမငယ်​စေ​သင့်​ဘူး။ တခြားသူတွေ​ထက် ပိုသာတယ်လို့ မတွေး​မှ ကျမ်းစာကို အခြေခံပြီး လေးလေး​စားစား၊ ကရုဏာ​ပါပါ အကြံ​ပေး​တည့်မတ်​နိုင်မယ်။—ကော. ၄:၆။

VANTUNG MITE IN MITE IT

8. (a) Vantung mite in mihingte a it lam uh koi bangin lak a hiam? (Luka 15:10) (b) Vantung mite in taangko nasepna ah koi bangin hong panpih uh a hiam? (Lim zong en in.)

^၈ ကောင်းကင်တမန်တွေဟာ လူတွေကို ချစ်တယ်။ အရေး​မပါ​သလို သဘော​မထားဘူး။ မဆိုင်​သလို မနေဘူး။ ပျောက်တဲ့ သိုးနဲ့ တူတဲ့ အပြစ်သား​တစ်ယောက် နောင်တ​ရပြီး ယေဟောဝါဆီ ပြန်လာတဲ့​အခါ ဒါမှ​မဟုတ် လူတစ်ယောက် ဘဝ​လမ်းစဉ် ပြောင်း​ပြီး အမှန်တရားထဲ ရောက်လာတဲ့​အခါ ကောင်းကင်တမန်တွေ ဝမ်းမြောက်ကြတယ်။ (လုကာ ၁၅:၁၀ ကို ဖတ်ပါ။) ဟောပြောခြင်း​လုပ်ငန်းမှာလည်း တက်တက်​ကြွကြွ ထောက်မ​ပေးကြတယ်။ (ဗျာ. ၁၄:၆) လူတွေကို တိုက်ရိုက် မဟော​ပေမဲ့ ယေဟောဝါ​အကြောင်း သိချင်​သူ​တွေ​ဆီ ကျွန်တော်တို့ကို လမ်းညွှန်ပေး​နိုင်​တယ်။ ဒါပေမဲ့ လူတစ်ယောက်နဲ့ ဆုံ​တိုင်း ကောင်းကင်တမန်တွေ လမ်းညွှန်တယ်​လို့​တော့ တပ်အပ်​ပြော​လို့​မရပါဘူး။ မိမိ​အကြောင်း သိချင်​သူ​တွေကို ကူညီဖို့၊ သူတို့ဆီ ကျေးကျွန်တွေကို လမ်းညွှန်​ဖို့ သန့်ရှင်းသော စွမ်းအားတော်​လိုမျိုး တခြား​နည်းလမ်းတွေကိုလည်း ယေဟောဝါ သုံးနိုင်​လို့​ပါပဲ။ (တ. ၁၆:၆၊ ၇) ဘာပဲ​ဖြစ်ဖြစ် ဟောပြောခြင်း​လုပ်ငန်းမှာ ကောင်းကင်တမန်တွေကို ကျယ်ကျယ်​ပြန့်ပြန့် သုံး​နေပါတယ်။ ဒါကြောင့် ကျွန်တော်တို့ သတင်းကောင်း ဟောတဲ့​အခါ ကောင်းကင်တမန်တွေ ထောက်မပေး​မယ်​ဆိုတာ စိတ်ချ​နိုင်တယ်။—“သူတို့​ဆုတောင်းချက်တွေ ဖြေကြား​ခံရ” လေးထောင့်ကွက်ကို ကြည့်ပါ။

9. Mihingte tunga vantung mite’ a it dan uh koi bangin etteh thei i hiam?

^၉ လူတွေကို ကောင်းကင်တမန်တွေ ချစ်တာ​နဲ့ပတ်သက်ပြီး ဘယ်လို အတုယူနိုင်သလဲ။ အသင်းတော်မှာ တစ်ယောက်ယောက်ကို ပြန်လက်ခံ​လိုက်ပြီ​ဆိုတဲ့ ကြေညာချက် ကြားတဲ့​အခါ ကောင်းကင်တမန်တွေ​လိုပဲ ကျွန်တော်တို့ ဝမ်းမြောက်နိုင်တယ်။ သူ့ကို ချစ်ကြောင်း၊ အတူတူ အမှုဆောင်ခွင့် ပြန်ရလို့ ဝမ်းမြောက်ကြောင်း သူ့ကို သိ​စေနိုင်တယ်။ (လု. ၁၅:၄-၇။ ၂ ကော. ၂:၆-၈) ကောင်းကင်တမန်တွေကို အတုယူ​နိုင်​တဲ့ နောက်​တစ်နည်း​ကတော့ ဟောပြောခြင်း​လုပ်ငန်းမှာ အတတ်နိုင်ဆုံး ပါဝင်ခြင်း​ပါ။ (ဒေ. ၁၁:၆) သတင်းကောင်း ဟောတဲ့​အခါ ကျွန်တော်တို့ကို ကောင်းကင်တမန်တွေ ထောက်မပေး​သလို​မျိုး ညီအစ်ကို/မတွေကို ကျွန်တော်တို့ ထောက်မ​ပေးနိုင်တယ်။ ဥပမာ၊ အတွေ့​အကြုံ နည်း​သေး​တဲ့ ညီအစ်ကို/မတွေ​နဲ့ တွဲ​အမှုဆောင်ဖို့ စီစဉ်​နိုင်​မလား။ အသက်​ကြီးတဲ့၊ ကျန်းမာရေး မကောင်းတဲ့ ညီအစ်ကို/မတွေ အမှုဆောင်​လုပ်ငန်းမှာ ပါဝင်နိုင်အောင် ထောက်မပေး​နိုင်​မလား။

10. Unaunu Sara kiang pan bang sin thei i hiam?

^၁၀ ဆန္ဒ​ရှိသလောက် အမှု​မဆောင်နိုင်​ရင်တောင် ကောင်းကင်တမန်တွေ​နဲ့ တွဲ​အမှုဆောင်​နိုင်​မယ့် နည်းလမ်းတွေ ရှိပါတယ်။ အိန္ဒိယနိုင်ငံက ညီအစ်မ ဆာရာb အကြောင်း စဉ်းစားကြည့်ပါ။ အနှစ် ၂၀ လောက် ရှေ့ဆောင်​လုပ်ပြီးနောက် ကျန်းမာရေး မကောင်း​လို့ အိပ်ရာထဲ လဲသွားတယ်။ ဆာရာ တအား စိတ်ဓာတ်ကျသွားတယ်။ ဒါပေမဲ့ ညီအစ်ကို/မတွေ ထောက်မ​ပေးလို့၊ ကိုယ်တိုင် ကျမ်းစာ မှန်မှန်​လေ့လာ​လို့ တဖြည်းဖြည်း ပြန်​ပျော်လာတယ်။ အမှုဆောင်​နည်းလမ်း​တွေ​တော့ ပြောင်း​လိုက်ရတယ်။ စာ​တောင် ထိုင်​မရေးနိုင်​လို့ ဖုန်းဆက်ပြီး​တော့​ပဲ သက်သေခံရ​တယ်။ ဒါနဲ့ ပြန်လည်ပတ်မှုတွေ​ဆီ ဖုန်းဆက်​တယ်။ ပြန်လည်ပတ်မှုတွေ​က ကျမ်းစာ​လေ့လာဖို့ စိတ်ဝင်စား​လောက်​တဲ့သူ​တွေ​နဲ့ မိတ်ဆက်​ပေးတယ်။ ဘာရလဒ် ရသလဲ။ လအနည်းငယ်​အတွင်းမှာပဲ ကျမ်းစာ​သင်အံမှု ၇၀ ရှိလာလို့ ဆာရာ မနိုင်တော့ဘူး။ ဒါကြောင့် အသင်းတော်က ညီအစ်ကို/မတွေကို သင်အံမှု​တချို့ လွှဲ​ပေးခဲ့တယ်။ သင်သား​တော်တော်​များများ အစည်းအဝေးတွေ တက်​နေပြီ။ ဆာရာ​လိုမျိုး ဟောပြောခြင်း​လုပ်ငန်းမှာ အတတ်နိုင်ဆုံး ပါဝင်နေသူ​တွေ​နဲ့ တွဲ​အမှုဆောင်​ရလို့ ကောင်းကင်တမန်တွေ သိပ်​ဝမ်းမြောက်ကြ​မှာ​ပဲ။

VANTUNG MITE IN THUAK ZAWHNA NEI UH

11. A citak vantung mite in thuak zawhna koi bangin lak uh a hiam?

^၁၁ သစ္စာရှိ ကောင်းကင်တမန်တွေဟာ ခံနိုင်ရည် ရှိရာ​မှာ သိပ်ကောင်းတဲ့ စံနမူနာရှင်တွေ​ပါပဲ။ မတရားမှုတွေ၊ ဆိုးညစ်မှု​တွေ​ကို နှစ်​ထောင်ချီ သည်းခံ​နေ​ရတယ်။ တစ်ချိန်က သူတို့နဲ့ တွဲ​အမှုဆောင်ခဲ့​တဲ့ ကောင်းကင်တမန်​တစ်ပါး စာတန် ဖြစ်သွား​တာ၊ တခြား​ကောင်းကင်တမန်​များစွာ ယေဟောဝါကို ပုန်ကန်​သွားတာ မြင်ခဲ့​ရတယ်။ (က. ၃:၁။ ၆:၁၊ ၂။ ယု. ၆) သစ္စာရှိ ကောင်းကင်တမန်​တစ်ပါး​ဆိုရင် တန်ခိုးကြီး နတ်ဆိုး​တစ်ပါး​နဲ့ ရက်ပေါင်း​များစွာ တိုက်ခိုက်​ခဲ့​ရတယ်။ (ဒံ. ၁၀:၁၃) ဒါ့အပြင် သစ္စာရှိ ကောင်းကင်တမန်တွေဟာ လူ့​သမိုင်း​တစ်လျှောက် လူ​အနည်းစု​ပဲ စစ်မှန်တဲ့ ဝတ်ပြုရေးမှာ ပါဝင်​တာ တွေ့ရတယ်။ ဒါတွေ တွေ့ရ​ကြုံရပေမဲ့ ဝမ်းမြောက်ဝမ်းသာ၊ ထက်ထက်သန်သန် ဘုရား​အမှုဆောင်ကြတယ်။ အချိန်တန်တဲ့​အခါ မတရားမှု​အားလုံးကို ဘုရား ဖယ်ရှားပစ်​မယ်​ဆိုတာ သိကြတယ်။

12. Thuak zawhna i neih na’ng bang in hong huh thei a hiam?

^၁၂ ကောင်းကင်တမန်တွေ ခံနိုင်ရည် ရှိတာ​နဲ့ပတ်သက်ပြီး ဘယ်လို အတုယူနိုင်သလဲ။ ကောင်းကင်တမန်တွေ​လိုပဲ ကျွန်တော်တို့ မတရားမှုတွေ မြင်​နေ​ရနိုင်တယ်။ ဒါပေမဲ့ အချိန်တန်တဲ့​အခါ မတရားမှု​အားလုံးကို ဘုရား ဖယ်ရှားပစ်​မယ်​ဆိုတာ သစ္စာရှိ ကောင်းကင်တမန်တွေ​လိုပဲ ကျွန်တော်တို့ သိထားကြတယ်။ ဒါကြောင့် သူတို့​လိုပဲ “မွန်မြတ်တဲ့​အရာတွေကို လက်မလျှော့ဘဲ ဆက်လုပ်​ကြ” တယ်။ (ဂလ. ၆:၉) ဒါ့အပြင် ခံနိုင်ရည် ရှိဖို့ ကူညီပေးမယ်​လို့ ဘုရား ကတိ​ပေးထားတယ်။ (၁ ကော. ၁၀:၁၃) ဒါကြောင့် စိတ်ရှည်​နိုင်ဖို့၊ ဝမ်းမြောက်နိုင်​ဖို့ သန့်ရှင်းသော စွမ်းအားတော် ပေးပါ​လို့ ဆုတောင်းနိုင်တယ်။ (ဂလ. ၅:၂၂။ ကော. ၁:၁၁) ဆန့်ကျင်မှု​တွေ ကြုံရရင်​ကော။ ယေဟောဝါကို အပြည့်​အဝ ယုံကြည်​အားကိုးပါ။ မစိုးရိမ်ပါနဲ့။ ယေဟောဝါ သင့်ကို အမြဲ ကူညီ​မစ​ပေးမယ်၊ ခွန်အားပေးမယ်။—ဟီ. ၁၃:၆။

VANTUNG MITE IN PAWLPI SIANGTHO NADINGIN HUH UH

13. Hun nunung sungah vantung mite in bang a tuam vilvel tavuan ngah uh a hiam? (Matthai 13:47-49)

^၁၃ နောက်ဆုံး​ကာလ​အတွင်း ကောင်းကင်တမန်တွေကို ယေဟောဝါ အထူး​တာဝန် ပေးထားတယ်။ (မဿဲ ၁၃:၄၇-၄၉ ကို ဖတ်ပါ။) သတင်းကောင်း​က သန်းနဲ့​ချီတဲ့ လူအမျိုးမျိုးကို ဆွဲဆောင်တယ်။ ဆွဲဆောင်​ခံရသူတွေ​ထဲက တချို့​လောက်​ပဲ ဘုရား​စံနှုန်းတွေ​နဲ့​အညီ နေထိုင်ဖို့ ဘဝ​လမ်းစဉ် ပြောင်းလဲတယ်။ တချို့က မပြောင်းလဲဘူး။ ဒါကြောင့် “ဖြောင့်မတ်သူတွေ​ထဲကနေ ဆိုးညစ်သူတွေကို ခွဲထုတ်” ဖို့ ကောင်းကင်တမန်တွေ တာဝန်​ရထားကြတယ်။ ဆိုလိုတာက အသင်းတော်ကို သူတို့ စင်ကြယ်​နေ​စေ​ကြတယ်။ အသင်းတော်ကို စင်ကြယ်​နေ​စေ​တယ် ပြော​လို့ အကြောင်းရင်း တစ်ခုခုကြောင့် အသင်းတော်နဲ့ ဝေး​သွား​သူ​တွေ ပြန်လှည့်လာ​လို့ မရတော့ဘူး​လို့ မဆိုလိုဘူး။ အသင်းတော်မှာ ရှိသူ​တစ်ယောက်မှ အပြစ်​လုပ်မှာ မဟုတ်ဘူး​လို့လည်း မဆိုလိုဘူး။ ဒါပေမဲ့ အသင်းတော် စင်ကြယ်​နေဖို့ ကောင်းကင်တမန်တွေ ကြိုးစား​လုပ်ဆောင်နေတယ်​ဆိုတာ စိတ်ချနိုင်ပါတယ်။

14-15. Pawlpi siangtho nadingin vantung mite ii hong deihsakna uh koi bangin etteh thei i hiam? (Lim zong en in.)

^၁၄ အသင်းတော်ကို ကောင်းကင်တမန်တွေ စင်ကြယ်​နေ​စေချင်​တာ​နဲ့ပတ်သက်ပြီး ဘယ်လို အတုယူနိုင်သလဲ။ ကျွန်တော်တို့လည်း အသင်းတော်​အတွင်း ကိုယ်ကျင့်တရား​ပိုင်း၊ ဝတ်ပြုရေးပိုင်း စင်ကြယ်​နေ​စေ​ရမယ်။ ဘယ်လို စင်ကြယ်​နေ​စေ​နိုင်သလဲ။ အပေါင်းအသင်းကောင်း ရွေးချယ်ခြင်း၊ ဘုရားနဲ့ ဆက်ဆံရေး ပျက်​စေမယ့်​အရာတွေ ရှောင်ခြင်း​အားဖြင့် ကျွန်တော်တို့ရဲ့ စိတ်နှလုံးကို ကာကွယ်​ရမယ်။ (ဆာ. ၁၀၁:၃) ယေဟောဝါအပေါ် ညီအစ်ကို/မတွေ ဆက်သစ္စာရှိ​နေဖို့ ကူညီ​ရမယ်။ ဥပမာ၊ ညီအစ်ကို/မ​တစ်ယောက် ကြီးလေးတဲ့​အပြစ် လုပ်ထား​မှန်း သိရင် ကျွန်တော်တို့ ဘာလုပ်သင့်သလဲ။ သူ့ကို ချစ်တဲ့​အတွက် အကြီးအကဲတွေဆီ သွား​ပြောဖို့ တိုက်တွန်း​ရမယ်။ အကြီးအကဲတွေဆီ သူ သွား​မပြောရင် ကျွန်တော်တို့ သွား​ပြော​ရမယ်။ ယေဟောဝါနဲ့ ဆက်ဆံရေး ထိခိုက်​သွားတဲ့ သူ့ကို အကူအညီ မြန်မြန် ရစေချင်လို့​ပါပဲ။—ယာ. ၅:၁၄၊ ၁၅။

^၁၅ ဝမ်းနည်းစရာက ကြီးလေးတဲ့​အပြစ် လုပ်သူ​တချို့ အသင်းတော်​ကနေ ဖယ်ရှား​ခံကြရတယ်။ သူတို့နဲ့ ကျွန်တော်တို့ “ဆက်​မပေါင်းဖော်” ကြ​ဘူး။c (၁ ကော. ၅:၉-၁၃) ဖယ်ရှားခြင်း အစီအစဉ်က အသင်းတော်ကို စင်ကြယ်​နေ​စေ​တယ်။ ဒါ့အပြင် ဖယ်ရှားခံ​ရသူတွေ​နဲ့ ဆက်​မပေါင်းဖော်​တာက သူတို့ကို မေတ္တာ​ပြရာ​ရောက်တယ်။ ကျွန်တော်တို့ရဲ့ ပြတ်သားတဲ့ ရပ်တည်မှုကြောင့် သူတို့ အသိတရား ရလာနိုင်တယ်။ အသိတရား ရလာပြီး ပြန်လှည့်လာ​တဲ့​အခါ ယေဟောဝါ၊ ကောင်းကင်တမန်တွေ​နဲ့​အတူ ကျွန်တော်တို့ ဝမ်းမြောက်ကြတယ်။—လု. ၁၅:၇။

16. Koi bang dante tawh vantung mite etteh nuam na hiam?

^၁၆ ကောင်းကင်တမန်တွေ​အကြောင်း သိနိုင်​တာ၊ သူတို့နဲ့ တွဲ​အမှုဆောင်​နိုင်​တာ အခွင့်ထူး​ပါပဲ။ သူတို့ရဲ့ နှိမ့်ချမှု၊ လူတွေကို ချစ်တဲ့ မေတ္တာ၊ ခံနိုင်ရည်၊ အသင်းတော်ကို ကိုယ်ကျင့်တရား​ပိုင်း၊ ဝတ်ပြုရေးပိုင်း စင်ကြယ်​နေ​စေချင်​တဲ့ သဘောထားကို အတုယူ​ကြရအောင်။ သစ္စာရှိ ကောင်းကင်တမန်တွေကို အတုယူရင် သူတို့​လိုပဲ ယေဟောဝါရဲ့ မိသားစုဝင် ထာဝစဉ် ဖြစ်​နိုင်ပါလိမ့်မယ်။