Jakob A Sih Ma-in A Gen Thute Pan I Sin Theih Thute—Khen 1

1-2. Jakob a sih ma-in bang hih a hiam? Ba’hang hiam? (Lim zong en in.)

ယေဟောဝါ​ဘုရား​ရဲ့ သစ္စာရှိ​ကျေးကျွန် ယာကုပ်​ဟာ ခါနန်ပြည်​ကနေ အီဂျစ်ပြည်​ကို အိမ်သားတွေနဲ့​အတူ ပြောင်းလာ​တယ်။ (က. ၄၇:၂၈) သေပြီ​လို့ ထင်ထား​တဲ့ သား​ယောသပ်​နဲ့ ပြန်ဆုံ​ပြီး မိသားစု လူစုံ​တက်စုံ ဖြစ်သွား​လို့ သိပ်​ဝမ်းသာရ​တယ်။ ဒီလိုနဲ့ နောက် ၁၇ နှစ်​အကြာ မိမိ သေဆုံး​တော့မယ်​ဆိုတာ သိ​ချိန်မှာ မှာစရာ​ရှိတာ မှာခဲ့​ဖို့ သား​အားလုံး​ကို ခေါ်လိုက်​တယ်။—က. ၄၉:၂၈။

^၂ အဲဒီ​ခေတ်​တုန်းက အိမ်ထောင်​ဦးစီး​တစ်ယောက် မသေဆုံးခင်​မှာ မိသားစုဝင်တွေ​ကို ခေါ်ပြီး အမှာစကား​ပြောတာ ထုံးစံ​ပါပဲ။ (ဟေရှာ. ၃၈:၁) မိမိ သေဆုံးပြီးနောက် မိသားစု​ကို ဘယ်သူ ဦးစီး​မလဲ​ဆိုတာလည်း အဲဒီ​အချိန်မှာ မှာခဲ့​တတ်တယ်။

3. Piancilna 49:1, 2-a a gen mah bangin, Jakob ii a gen thute ba’hang lamdang a hiam?

^၃ ကမ္ဘာဦး ၄၉:၁၊ ၂ ကို ဖတ်ပါ။ မိသားစု​ကို အမှာစကား​ပြောတာ အဲဒီ​ခေတ်​ထုံးစံ ဆိုပေမဲ့ ယာကုပ်ရဲ့ စကားတွေ​ဟာ သိပ်​ထူးခြား​တယ်။ အနာဂတ်​မှာ သားစဉ်​မြေးဆက်တွေ ကြုံရမယ့် အရေးကြီး ဖြစ်ရပ်တွေ​အကြောင်း ပြောဖို့ ယာကုပ်​ကို ယေဟောဝါ လှုံ့ဆော်ပေး​လို့ပဲ။ ဒါကြောင့် ယာကုပ်ရဲ့ စကားတွေဟာ အမှာစကား​သက်သက် မဟုတ်ဘဲ ကြိုဟောချက် ဖြစ်တယ်။

4. Hih sin ding thu ah bang thu kikum ding i hiam? (“Jakob ii Innkuan” kiu li bawm zong en in.)

^၄ ရုဗင်၊ ရှိမောင်၊ လေဝိ၊ ယုဒ​ဆိုတဲ့ သား​လေးယောက်​ကို ယာကုပ် ဘာ​ပြောသလဲ​ဆိုတာ ဒီ​ဆောင်းပါးမှာ သုံးသပ်​သွားပါမယ်။ နောက်​ဆောင်းပါးမှာတော့ ကျန်တဲ့​သား​ရှစ်ယောက်​ကို ဘာ​ပြောသလဲ​ဆိုတာ ဆွေးနွေး​ပါမယ်။ ယာကုပ်ရဲ့ စကားတွေဟာ သားတွေနဲ့​သာမက အစ္စရေး​လူမျိုး ဖြစ်လာမယ့် သူတို့ရဲ့ သားမြေးတွေနဲ့​ပါ သက်ဆိုင်​တယ်။ အစ္စရေး​လူမျိုး သမိုင်းကြောင်း​ကို လေ့လာတဲ့​အခါ ယာကုပ်ရဲ့ ကြိုဟောချက်တွေ တကယ် ပြည့်စုံ​လာ​မှန်း သိရမယ်။ ဒါ့အပြင် ကောင်းကင်ဘုံစံ​အဖ ယေဟောဝါရဲ့ စိတ်တော်နဲ့ တွေ့ဖို့ ဘာ​လုပ်ရမယ်၊ ဘာ​မလုပ်ရဘူး​ဆိုတာလည်း ယာကုပ်ရဲ့ စကားတွေ​ကနေ သိရမယ်။

REUBEN

5. Reuben in a pa kiang pan bang lamen kha thei a hiam?

^၅ ‘မင်းဟာ ငါ့သား​ဦး​ပဲ’ ဆိုပြီး ရုဗင်​ကို ယာကုပ် အမှာစကား အရင်ဆုံး ပြောတယ်။ (က. ၄၉:၃) သားဦး ဖြစ်လို့ ညီတွေထက် အမွေ​နှစ်ဆ ရမယ်လို့ ရုဗင် မျှော်လင့်​မိ​နိုင်​တယ်။ ဒါ့​အပြင် ဖခင် သေဆုံးပြီးနောက် မိသားစုကို မိမိ ဦးစီး​ရမယ်၊ မိမိ​သားမြေးတွေ​ကို ဦးစီး​အရိုက်အရာ လက်ဆင့်​ကမ်း​ရမယ်​လို့လည်း မျှော်လင့်​ထားမှာပဲ။

6. Reuben in tacil dinmun ba’hang ngah lo a hiam? (Piancilna 49:3, 4)

^၆ ရုဗင်​ဟာ လေအာနဲ့ မွေးတဲ့ ယာကုပ်ရဲ့ သားဦး ဖြစ်ပေမဲ့ သားဦး​အခွင့်အရေး မရဘူး။ (၁ ရာ. ၅:၁) လေအာရဲ့ ညီမ​ရာခေလ သေဆုံးပြီးနောက် ရာခေလ​ရဲ့ ကျွန်မ​ဗိလဟာ​နဲ့ ရုဗင် လိင်​အကျင့်​ယိုယွင်း​လို့ပဲ။ ဗိလဟာ​ကို ယာကုပ်​အတွက် ဇနီး​မယား​အဖြစ် ရာခေလ ပေး​ခဲ့​တာ။ (က. ၃၅:၁၉၊ ၂၂) ဒီတော့ ရုဗင် လိင်​အကျင့်​ယိုယွင်း​တဲ့ အကြောင်းရင်း​က ရမ္မက် မထိန်းချုပ်​နိုင်​လို့ ဖြစ်နိုင်တယ်။ ဒါမှ​မဟုတ် ဖခင် သိပ်​ချစ်တဲ့ ရာခေလ မရှိတော့တဲ့​နောက်ပိုင်း မိခင်​လေအာ ပို​အချစ်ခံ​ရပြီး ဗိလဟာ အမုန်းခံရ​စေချင်​လို့ ဖြစ်နိုင်တယ်။ ဘာ​အကြောင်းကြောင့်ပဲ ဖြစ်ဖြစ် ရုဗင်​ရဲ့ လုပ်ရပ်ကို ယေဟောဝါ​ကော ယာကုပ်​ပါ တော်တော် စိတ်ပျက်​သွားတယ်။—ကမ္ဘာဦး ၄၉:၃၊ ၄ ကို ဖတ်ပါ။

7. Jakob in Reuben tungah a gen thute koi bangin hong tangtung a hiam? (“Jakob ii A Nunung Kam Vaikhakna” kiu li bawm zong en in.)

^၇ “ညီတွေ​ထက် သာလွန်​မှာ မဟုတ်ဘူး” လို့ ရုဗင်​ကို ယာကုပ် ပြောတယ်။ ယာကုပ် ပြောတဲ့​အတိုင်း ဖြစ်လာတယ်။ ရုဗင်​အနွယ်​ကနေ ဘုရင်၊ ပုရောဟိတ်၊ ပရောဖက် ပေါ်ထွန်း​တယ်​ဆိုတဲ့ ကျမ်း​မှတ်တမ်း မရှိဘူး။ ဒါပေမဲ့ ရုဗင် အမွေ လုံးဝ မရတာ​တော့ မဟုတ်ဘူး။ သူ့သားမြေးတွေ​ဟာ အစ္စရေး​အနွယ်​တစ်နွယ် ဖြစ်လာ​တယ်။ (ယောရှု ၁၂:၆) ရုဗင် ကောင်းတာ လုပ်တဲ့​အချိန်တွေလည်း ရှိပါတယ်။ ဒါ့အပြင် လိင်​အကျင့် ထပ်​ယိုယွင်းတယ်​ဆိုတာမျိုး ကျမ်းစာမှာ ဖော်ပြ​မထားဘူး။—က. ၃၇:၂၀-၂၂။ ၄၂:၃၇။

8. Reuben kiang pan bang sin thei i hiam?

^၈ ဘာသင်ယူနိုင်သလဲ။ ကျွန်တော်တို့ ချုပ်တည်းမှု ရှိရမယ်။ လိင်​အကျင့်​မယိုယွင်း​မိ​ဖို့ ဆုံးဖြတ်ထား​ရမယ်။ သွေးဆောင်ခံရတဲ့​အခါ ကိုယ့်လုပ်ရပ်​ကြောင့် ယေဟောဝါ၊ မိသားစုနဲ့ တခြားသူတွေ ဘယ်လို ခံစားရ​မလဲ​ဆိုတာ စဉ်းစား​လိုက်ပါ။ “မျိုးစေ့​ကြဲတဲ့​အတိုင်း ရိတ်သိမ်း​ရလိမ့်မယ်” ဆိုတာလည်း သတိရပါ။ (ဂလ. ၆:၇) ဒါ့အပြင် ယေဟောဝါ ကရုဏာ ကြီးမား​ကြောင်း ရုဗင်​ရဲ့​အဖြစ်​ကနေ သိရတယ်။ လုပ်ရပ်​အမှား​ရဲ့ ဆိုးကျိုးတွေ​ကနေ ကျွန်တော်တို့ကို ယေဟောဝါ ကာကွယ်​မပေး​ပေမဲ့ နောင်တ​ယူပြီး မှန်တာ လုပ်ဖို့ ကြိုးစားတဲ့​အခါ ခွင့်လွှတ်ပေး​တယ်၊ ကောင်းချီးပေး​တယ်။

SIMEON LE LEVI

9. Ba’hang Jakob in Simeon le Levi tungah lungkim lo a hiam? (Piancilna 49:5-7)

^၉ ကမ္ဘာဦး ၄၉:၅-၇ ကို ဖတ်ပါ။ ရှိမောင်​နဲ့ လေဝိ​ကို ယာကုပ် ပြောတဲ့​စကားတွေဟာ တော်တော် ပြင်းထန်​တယ်။ သူတို့ကို မနှစ်သက်​ကြောင်း ပေါ်လွင်​တယ်။ သမီး​ဒိနကို ခါနန်​အမျိုးသား ရှေခင် စော်ကား​လိုက်​တုန်းက ရှိမောင်​နဲ့ လေဝိ လုပ်ခဲ့တာ​တွေ​ကြောင့်​ပါ။ နှမ​ဖြစ်သူ စော်ကား​ခံရလို့ အစ်ကို​အားလုံး ဒေါသ​ထွက်​ကြတယ်။ ဒါနဲ့ ရှေခင်​မြို့သား​ယောက်ျား​အားလုံး အရေဖျား​ဖြတ်မယ်​ဆိုရင် ကျေအေး​ပေးမယ်၊ သင့်သင့်​မြတ်မြတ် နေမယ်လို့ ဉာဏ်ဆင်​ပြီး ပြောကြတယ်။ ရှေခင်​နဲ့ မြို့သားတွေလည်း လိုက်လျော​ကြတယ်။ ဒါပေမဲ့ သူတို့ အရေဖျား​ဖြတ်​ပြီး နာကျင်​နေတုန်းမှာ “ရှိမောင်​နဲ့ လေဝိ​က ဓား​ကိုယ်စီ​ကိုင်၊ အမှုမဲ့​အမှတ်မဲ့​ဖြစ်နေတဲ့ မြို့ကို သွားပြီး ယောက်ျား​အားလုံးကို သတ်​လိုက်တယ်။” ဒေါသ​မထိန်းချုပ်​နိုင်​ဘဲ အကြမ်းဖက်တဲ့​အထိ ဖြစ်သွား​တာ​ပဲ။—က. ၃၄:၂၅-၂၉။

10. Jakob in Simoen le Levi tungah a gen thute koi bangin hong tangtung a hiam? (“Jakob ii A Nunung Kam Vaikhakna” kiu li bawm zong en in.)

^၁၀ သား​နှစ်ယောက်ရဲ့ အကြမ်းဖက်​လုပ်ရပ်ကြောင့် ယာကုပ် အကြီးအကျယ် စိတ်​ဒုက္ခ​ရောက်တယ်။ အစ္စရေး​ပြည်မှာ သူတို့ လူစု​ကွဲ​မယ်၊ ကစဉ့်ကလျား​ဖြစ်မယ်လို့ ကြိုဟော​လိုက်တယ်။ အနှစ် ၂၀၀ ကျော်​အကြာ ကတိထားရာ​ပြည်ထဲ အစ္စရေး​လူမျိုး ဝင်ရောက်ချိန်​မှာ အဲဒီ​ကြိုဟောချက် ပြည့်စုံလာ​တယ်။ ရှိမောင်​အနွယ် အမွေ​ရတဲ့ မြို့တွေဟာ ယုဒ​အနွယ် နယ်မြေ​ထဲမှာ ဟို​တစ်စု ဒီ​တစ်စု ပျံ့နှံ့​နေတယ်။ (ယောရှု ၁၉:၁) လေဝိ​အနွယ် အမွေ​ရတဲ့ မြို့ ၄၈ မြို့​လည်း အစ္စရေးပြည်​တစ်ခွင် ပျံ့​နေတယ်။—ယောရှု ၂၁:၄၁။

11. Simeon minam le Levi minam in bang na hoihte sem uh a hiam?

^၁၁ ရှိမောင်​နဲ့ လေဝိ လုပ်တဲ့​အမှားမျိုး​ကို သားမြေးတွေ မလုပ်ကြဘူး။ လေဝိ​အနွယ်​ဟာ ယေဟောဝါအပေါ် သိပ်​သစ္စာ​ရှိတယ်။ ယေဟောဝါဆီက ပညတ်တွေ ပါတဲ့ ကျောက်ပြား​နှစ်ချပ် ယူဖို့ ဆိုင်းနိုင်း​တောင်ပေါ် မောရှေ တက်သွား​တုန်း အစ္စရေး​တော်တော်များများ နွား​ရုပ်တု လုပ်ပြီး ဦးချ​ကြတယ်။ လေဝိ​အနွယ်​ကတော့ ရုပ်တု မကိုးကွယ်​ဘူး။ ဒါ့အပြင် ရုပ်တု​ကိုးကွယ်သူတွေ​ကို သုတ်သင်​ရာ​မှာ မောရှေကို ကူညီပေး​တယ်။ (ထွ. ၃၂:၂၆-၂၉) ယေဟောဝါ ရွေးချယ်ထားတဲ့​အတွက် လေဝိ​အမျိုး​အဆက်ဆက် ပုရောဟိတ်​တာဝန် ထမ်းဆောင်​ကြတယ်။ (ထွ. ၄၀:၁၂-၁၅။ တော. ၃:၁၁၊ ၁၂) ရှိမောင်​အနွယ်​ကော ဘာတွေ လုပ်​သလဲ။ ယေဟောဝါရဲ့ ရည်ရွယ်ချက်နဲ့​အညီ ကတိထားရာ​ပြည်ကို သိမ်းပိုက်ချိန်မှာ ယုဒ​အနွယ်ကို အားတက်​သရော ကူညီပေး​တယ်။—သူကြီး. ၁:၃၊ ၁၇။

12. Simoen le Levi kiang pan bang sin thei i hiam?

^၁၂ ဘာသင်ယူနိုင်သလဲ။ ဒေါသ​ရှေ့​ထားပြီး ဘာကိုမှ မဆုံးဖြတ်​ပါ​နဲ့၊ မလုပ်ပါနဲ့။ ကိုယ်တိုင် ဒါမှ​မဟုတ် ချစ်ရသူ​တစ်ယောက် မတရား​ဆက်ဆံခံရတဲ့​အခါ ဒေါသ​ထွက်တာ သဘာဝ​ပါပဲ။ (ဆာ. ၄:၄) ဒါပေမဲ့ မတရား​ဆက်ဆံ​သူကို နာနာ​ကြည်းကြည်း ပြန်​ပြောတာ၊ ပြန်​လုပ်တာ​ကို ယေဟောဝါ မနှစ်သက်ဘူး​ဆိုတာ သတိရပါ။ (ယာ. ၁:၂၀) အသင်းတော်မှာ​ဖြစ်ဖြစ်၊ အပြင်မှာ​ဖြစ်ဖြစ် မတရား​ဆက်ဆံခံရတဲ့​အခါ ကျမ်းစာ​မူတွေ​ကို စဉ်းစား​လိုက်ပါ။ ဒါက ဒေါသ​မထိန်းချုပ်​ဘဲ ပြောမိ​လုပ်မိတဲ့​အဖြစ်​ကနေ ကာကွယ်ပေး​နိုင်တယ်။ (ရော. ၁၂:၁၇၊ ၁၉။ ၁ ပေ. ၃:၉) သင်ခန်းစာ နောက်​တစ်ခု​ကတော့ ယေဟောဝါ မနှစ်သက်တာတွေ​ကို သင့်​မိဘတွေ လုပ်တယ်​ဆိုရင်တောင် မိဘ​လမ်းစဉ် လိုက်ဖို့ မလိုဘူး​ဆိုတာ​ပါပဲ။ မိဘတွေ​ရဲ့ လုပ်ရပ်​ကြောင့် သင့်ကို​ပါ ယေဟောဝါ မနှစ်သက်​တော့​ဘူး​လို့ မတွေးပါနဲ့။ မှန်တာ လုပ်ဖို့ ကြိုးစားမယ်​ဆိုရင် သင့်ကို ယေဟောဝါ ကူညီပေး​မယ်၊ ကောင်းချီး​ပေးမယ်။

JUDAH

13. A pa in a gen ding thu tawh kisai ba’hang Judah lunghimawh kha thei a hiam?

^၁၃ ယုဒ​ကို ယာကုပ် အမှာစကား​ပြော​မယ့်​အလှည့် ရောက်လာတယ်။ အစ်ကို​သုံးယောက်​ကို ဖခင် ပြောတဲ့​စကားတွေ ကြားပြီး ယုဒ စိတ်ပူ​နေနိုင်တယ်။ ဘာကြောင့်လဲ။ ယုဒလည်း ကြီးလေးတဲ့​အမှား​တချို့ လုပ်ထားလို့​ပဲ။ ရှေခင်​မြို့သားတွေ​ကို ရှိမောင်​နဲ့ လေဝိ သတ်ပစ်​ပြီးနောက် မြို့ထဲက ပစ္စည်းတွေ သိမ်းယူ​တဲ့​အထဲမှာ သူ ပါတယ်။ (က. ၃၄:၂၇) ညီအစ်ကိုတွေနဲ့​ပေါင်းပြီး ယောသပ်​ကို ကျွန်​အဖြစ် ရောင်းစား​တယ်။ ယောသပ် သေပြီ​ဆိုပြီး ဖခင်ကို လိမ်ပြော​တယ်။ (က. ၃၇:၃၁-၃၃) သား​ဖြစ်သူ သေဆုံးပြီးနောက် ချွေးမ​တာမာ​ကို ပြည့်တန်ဆာ ထင်ပြီး လိင်​အကျင့်​ယိုယွင်း​မိ​သွားတယ်။—က. ၃၈:၁၅-၁၈။

14. Jakob in Judah kiang bang gen a hiam? Judah in bang hoihnate nei a hiam? (Piancilna 49:8, 9)

^၁၄ ကောင်းချီး​ပေးတဲ့​စကားတွေ၊ ချီးမွမ်း​စကားတွေ​ပဲ ယာကုပ်​ဆီကနေ ယုဒ ကြားလိုက်ရတယ်။ (ကမ္ဘာဦး ၄၉:၈၊ ၉ ကို ဖတ်ပါ။) ယုဒ​မှာ ဘာ​ကောင်းကွက်တွေ ရှိလို့လဲ။ ယုဒဟာ သက်ကြီး​ဖခင်​ရဲ့ ခံစားချက်​ကို အင်မတန် အလေးထား​တယ်။ အငယ်ဆုံး​ညီ ဗင်ယာမိန်​ကို သိပ်​ချစ်တဲ့​အတွက် ကိုယ်စား ကျွန်ခံ​ဖို့​တောင် အသင့်​ရှိခဲ့တယ်။—က. ၄၄:၁၈၊ ၃၀-၃၄။

15. Judah in bang thuphate ngah a hiam?

^၁၅ ညီအစ်ကိုတွေ​ကို ယုဒ ဦးဆောင်​ရမယ်​လို့ ယာကုပ် ကြိုဟော​တယ်။ ဒါပေမဲ့ အနှစ် ၂၀၀ ကျော် ကြာပြီးမှ အဲဒီ​ကြိုဟောချက် ပြည့်စုံလာ​တယ်။ အီဂျစ်ပြည်​ကနေ အစ္စရေးတွေ ထွက်လာပြီး ကတိထားရာ​ပြည်ကို သွားတဲ့​လမ်းမှာ တခြား​အနွယ်​တွေ​ရှေ့​ကနေ ယုဒ​အနွယ် သွားတယ်။ (တော. ၁၀:၁၄) နောက်​နှစ်​များစွာ​အကြာမှာ ကတိထားရာ​ပြည်ကို သိမ်းပိုက်ဖို့ ယုဒ​အနွယ် ဦးဆောင်​ချီတက်​သွားတယ်။ (သူကြီး. ၁:၁၊ ၂) ယုဒ​အနွယ်​ကနေ ဘုရင်​အများကြီး ပေါ်ထွန်း​လာတယ်။ ဦးဆုံး​ဘုရင်​ကတော့ ဒါဝိဒ်ပါ။ ယာကုပ်ရဲ့ ကြိုဟောချက် ဘယ်လို ပြည့်စုံ​လာ​သေး​သလဲ။

16. Piancilna 49:10 sunga gen kholhna koi bangin hong tangtung a hiam? (“Jakob ii A Nunung Kam Vaikhakna” kiu li bawm zong en in.)

^၁၆ လူ​အားလုံး​ကို ထာဝစဉ် အုပ်ချုပ်မယ့်​သူဟာ ယုဒ​အနွယ်​က ဖြစ်မယ်​လို့ ယာကုပ် ကြိုဟော​တယ်။ (ကမ္ဘာဦး ၄၉:၁၀ နဲ့ အောက်ခြေမှတ်ချက်ကို ဖတ်ပါ။) ရှိလော​လို့ ယာကုပ် ခေါ်ထားတဲ့ အဲဒီ​အုပ်ချုပ်သူ​ကတော့ ယေရှုခရစ်​ပါပဲ။ “ယေဟောဝါ​ဘုရားက [ယေရှု]ကို ဖခင်​ဒါဝိဒ်ရဲ့ ရာဇ​ပလ္လင် အပ်နှင်း​လိမ့်မယ်” ဆိုပြီး ကောင်းကင်တမန်​တစ်ပါး ပြောတယ်။ (လု. ၁:၃၂၊ ၃၃) ယေရှုကို “ယုဒ​အနွယ်ဝင် ခြင်္သေ့” လို့လည်း ကျမ်းစာမှာ ခေါ်ထားတယ်။—ဗျာ. ၅:၅။

17. Koi bangin Jehovah etteh thei ding i hiam?

^၁၇ ဘာသင်ယူနိုင်သလဲ။ ယုဒ ကြီးလေးတဲ့​အမှား​တချို့ လုပ်ထားတာ​တောင် ယေဟောဝါ ကောင်းချီး​ပေးတယ်။ ယေဟောဝါ ဘာကို ကြည့်ပြီး ကောင်းချီး​ပေး​သလဲ​လို့ ကျန်တဲ့​ညီအစ်ကိုတွေ တွေး​ကြ​မလား။ သူတို့ ဘယ်လို တွေး​သလဲ​ဆိုတာ ကျွန်တော်တို့ မသိပေမဲ့ ယုဒရဲ့ ကောင်းကွက်တွေ​ကို ယေဟောဝါ မြင်ပြီး ကောင်းချီး​ပေးတယ်​ဆိုတာ​တော့ သိရတယ်။ ယေဟောဝါကို ဘယ်လို အတုယူ​နိုင်​သလဲ။ ညီအစ်ကို/မ​တစ်ယောက် အခွင့်ထူး ရတဲ့​အခါ သူ့​အားနည်းချက်တွေ​ကို ကျွန်တော်တို့ အရင်ဆုံး တွေးမိ​နိုင်​တယ်။ ဒါပေမဲ့ သူ့​ကောင်းကွက်တွေ​ကို ယေဟောဝါ မြင်ပြီး ကောင်းချီး​ပေးတာ ဖြစ်ကြောင်း သတိရ​ရမယ်။ ဝတ်ပြုသူတွေ​ရဲ့ ကောင်းကွက်​ကို အမြဲ ရှာ​တဲ့ ယေဟောဝါကို အတုယူ​ကြရအောင်။

18. Koi bangin Judah minamte etteh thei ding i hiam?

^၁၈ စိတ်ရှည်ဖို့ လိုကြောင်းလည်း ယုဒရဲ့​အဖြစ်​ကနေ သင်ယူ​ရတယ်။ ကတိတွေ​ကို ယေဟောဝါ အမြဲ ပြည့်စုံစေ​တယ်။ ဒါပေမဲ့ ကျွန်တော်တို့ မျှော်လင့်​ထားတဲ့​ပုံစံ​အတိုင်း မျှော်လင့်​ထားတဲ့​အချိန်မှာ ပြည့်စုံ​စေ​တာ ဟုတ်ချင်မှ ဟုတ်​မယ်။ စစချင်း အစ္စရေး​လူမျိုး​ကို ဦးဆောင်သူ​တွေ​ဟာ ယုဒ​အနွယ်​က မဟုတ်ဘူး။ ဒါပေမဲ့ ယေဟောဝါ ရွေးချယ်တဲ့ လေဝိ​အမျိုးသား မောရှေ၊ ဧဖရိမ်​အမျိုးသား ယောရှု၊ ဗင်ယာမိန်​အမျိုးသား ဘုရင်​ရှောလု​ကို သူတို့ သစ္စာ​ရှိရှိ ထောက်မ​ကြတယ်။ ဒီနေ့​အချိန်မှာ​လည်း ကျွန်တော်တို့ကို ဦးဆောင်ဖို့ ယေဟောဝါ ရွေးချယ်ထားသူ​တွေ​ကို သစ္စာ​ရှိရှိ ထောက်မ​ရမယ်။—ဟီ. ၆:၁၂။

19. Jakob a sih ma-in a gen thute pan Jehovah’ thu bang thei khia i hiam?

^၁၉ ယာကုပ် မသေဆုံးခင် ပြောတဲ့​စကားတွေ​ကနေ ယေဟောဝါ​အကြောင်း ဘာ​သိရ​သလဲ။ ယေဟောဝါက “နှလုံးသားကို ကြည့်တယ်။” (၁ ရှ. ၁၆:၇) သည်းခံ​ခွင့်လွှတ်​ပေး​တတ်တယ်။ အမှား​လုပ်တာ​ကို မနှစ်သက်​ပေမဲ့ ဝတ်ပြုသူတွေ အမှား​ကင်းဖို့ မမျှော်လင့်​ဘူး။ ကြီးလေးတဲ့​အမှား လုပ်မိရင်တောင် စိတ်ရင်းမှန်နဲ့ နောင်တ​ယူပြီး မှန်တာ လုပ်ဖို့ ကြိုးစားမယ်​ဆိုရင် ကောင်းချီး​ပေး​တယ်။ ကျန်တဲ့​သား​ရှစ်ယောက်ကိုကော ယာကုပ် ဘာတွေ ပြော​သလဲ။ ဒီအကြောင်း နောက်ဆောင်းပါးမှာ ဆွေးနွေး​ကြရအောင်။