Génesis

11 Mõbebʉrʉ, naʉ̃ drʉadebema ẽbẽra jõmaʉ̃ta bed’ea abarika bed’eabasi akʉza bed’ea abarika erbasi. 2 Ẽbẽrarã juwarare wãside, ũdusida Sinar drʉade koribita ãyira mama panesi. 3 Aramaʉ̃ta ãyirainʉ yiya bed’easida: «Zeidua. Bloke odaita». Mawũã ãyara zok’asi bloketa mõgara zok’a ẽ baya adewara zok’asida breata bloke k’araita. 4 Akʉza jarasida: «Zeidua. Odadrʉ pʉwʉrʉta maʉ̃ne odadrʉ de drasoa bajãinʉ jʉ̃ẽbʉta. Mawũã dayirãra jõmaʉ̃ba ũduk’awuadayi mawũã dayirãra badu drʉade wãna ẽ bayi». 6 Jeowaba jarasi: «Ãyira iyabaʉ pʉwʉrʉdebema baera akʉza iyabaʉ bed’eata bed’eapanʉ baera nek’ãrẽta ojʉ̃drʉsida. Kõbebʉrʉ ãya atiara oseabʉ nek’ãrẽ ãya kãgata. 7 Wãdrʉ uda, bed’ea awuara awuaraka bed’eabita ãyirai yiya ũrĩna ẽ marẽã». 8 Mamaʉ̃ba ʉ̃ta Jeowabara naʉ̃ drʉa jõmaʉ̃nẽ wãbisi, mawũã wiña wiñane idubʉ wãsida pʉwʉrʉra. 9 Maʉ̃ k’area pʉwʉrʉ trʉ̃gasida Babel, mama bed’ea abarika bed’eabadata Jeowaba bed’ea awuara bed’eabisi, mamaʉ̃ba ʉ̃ta Jeowabara ẽbẽrarã naʉ̃ drʉa jõmaʉ̃nẽ wãbisi.