Génesis
6 Cam wũãwũãrãra naʉ̃rabasi Cus, Mizraim, Put akʉza Canaán. 7 Cus wũãwũãrãra naʉ̃rabasi Sebá, Havilá, Sabtá, Raamá akʉza Sabtecá. Raamá wũãwũãrãra naʉ̃rabasi Seba akʉza Dedán. 8 Cus’ra Nemrod zezebasi, maʉ̃ yumakẽrãtrʉ iyidoba nãã yi zromabasi naʉ̃ drʉadera. 9 Nemrod’ra mi wãmiabasi akʉza jipa aña obasi Jeowaba zok’abʉra. Maʉ̃ba jarapanʉ «Iyira Nemrod kĩrãk’abʉ, mi wãmiabasi akʉza jipa aña obasi Jeowaba zok’abʉra». 10 Iya nãã pʉwʉrʉ zok’adara naʉ̃rabasi: Babel, Erec, Akkad akʉza Calné, Sinar drʉade. 11 Maʉ̃ drʉadeba wãsi Asiria eda mamaʉ̃ba parãsi Níniveta, Rehobot-Ir, Cálah 12 akʉza Nínive Cálah ẽzadrarabasi Resenta. Naʉ̃ra pʉwʉrʉ zromabasi. 13 Mizraim’ra Ludim, Anamim, Lehabim, Naftuhim, 14 Patrusim, Casluhim (namaʉ̃ba zesi pilisteorãra) akʉza Caftorim maʉ̃ra zezebasi. 15 Canaán’ra Sidón zezebasi, naʉ̃ra yi wũãwũã nabemabasi. Adewara Het zezebasi, 16 maʉ̃ awuara erbasi naʉ̃rata jebuseorata, amorreorata, guirgaseorata, 17 ebeorata, arkeoarata, sineorata, 18 arbadeorata, zemareorata akʉza amateorata. Poaga bio berabarida tẽã kananeorãra eaba wãsida. 19 Maʉ̃ k’area kananeo drʉara Sidóneba Guerarbayedaba chuasi, Guerar’ra Gaza k’awabasi. Akʉza Sodomata, Gomorrata, Admáta akʉza Zeboyimta, naʉ̃ra pʉwʉrʉra Lasa k’awabasi. 20 Maʉ̃rata Cam wũãwũãrabasi, iyi mebẽrãneba zedata, ãyi sãwũã bed’eabʉdeba ãyi drʉadeba akʉza ãyi pʉwʉrʉdeba. 21 Éber wũãwũãrãra zebʉ Semneba, Jafet’ra yi mebẽã nabema maʉ̃nesida eaba wãsi ẽbẽrarãra. 22 Sem wũãwũãrãra naʉ̃rabasi Elam, Asur, Arpaksad, Lud akʉza Aram. 23 Akʉza Aram wũãwũãrãra naʉ̃rabasi Uz, Hul, Guéter akʉza Mas. 24 Arpaksad’ra Selá zezebasi, Selára Éber zezebasi. 25 Éber’ra wũãwũã ũme barasi. Yi wũãwũã nebamara trʉ̃gasi Péleg, mawũã trʉ̃gasi maʉ̃ ewaridera ẽbẽrarã drʉaza wãsi baera, kõbe yi mebẽã trʉ̃ra Joctánbasi. 26 Naʉ̃rãra Joctán wũãwũãrabasi Almodad, Sélef, Hazarmávet, Jérah, 27 Hadoram, Uzal, Diclá, 28 Obal, Abimael, Seba, 29 Ofir, Havilá akʉza Jobab. Naʉ̃ra Joctán wũãwũãrãrabasi. 30 Ãyara mejãcha eababisi Mesádeba Sefarbayeda akʉza maʉ̃ Oriente audura katumabasi. 31 Naʉ̃rata Sem wũãwũãrabasi. Iyi mebẽrãneba zedata, ãyi sãwũã bed’eabʉdeba ãyi drʉadeba akʉza ãyi pʉwʉrʉdeba. 32 Maʉ̃rara Noé mebẽrãrabasi, maʉ̃rara ãbapanʉ maʉ̃raneba zedata akʉza iyabaʉ pʉwʉrʉdeba zedata. Naʉ̃ra mebẽrãneba zesi naʉ̃ drʉa biradara, pʉwʉrʉ jõma kue zroma zeda tẽã.