Génesis

4 Yarata waʉ̃mera kobe ẽ. 8 Maʉ̃ tẽã Daizezeba Noéʼa akʉza yi wũãwũãra jarasi: 9 «Mʉ̃ra bedʼea abarika zeyi marabawara, mara wũawũãrabawara 10 akʉza yi zokʼaipanʉra jãba zromaneba ãĩ zedabawara (ibanata, nedʉwʉrʉrata) jõma yi zokʼaipanʉra marabawarabʉta naʉ̃ drʉade. 11 Naʉ̃ta marabawara bedʼea abarika zebʉrʉ: wuara kue zromata zebi ẽ bayi, ẽbẽra naʉ̃ drʉadebʉ makenaita mia drʉa ãrĩta». 12 Maʉ̃ tẽã Daizezeba jarasi: «Mʉ̃a naʉ̃ta ũdubiyi marabawara bedʼea abarika zeita akʉza mara wũãwũãrabawara adewara jõma yi zokʼaibʉbawara: 13 bajãne ũdubiyi eumata. Mawũã ũdudayi bedʼea abarika zedata naʉ̃ drʉaʉ̃me. 14 Jãrãra kue zeita zebʉrʉde drʉa ʉ̃rʉ, ũduyi eumata bajãne. 15 Mʉ̃ara jipa kĩrãbebayi marabawara akʉza jõma yi zokʼaibʉbawara bedʼea abarika zedara. Mʉ̃a wua zokʼa ẽ bayi baniata kue zromane zebita mawũã naʉ̃ drʉade jõma zokʼaibʉ makena ẽ baita. 16 Euma bajãne ũdubʉdade, mʉ̃a maʉ̃ta ũduyi, maʉ̃ne kĩrãbeyi Daizezeta naʉ̃ drʉade yi zokʼaipanʉraʉ̃me bedʼea abarika zedata». 20 Mawũẽra Noéra ne uta ujʉ̃drʉsi mama iya usi ubata. 21 Bino doda tẽã ituaba beinʉmesi akʉza ãkadanʉmesi iyi karpa de edre. 22 Cam, Canaán zezeba ũdusi yi zeze ãkadabʉta maʉ̃ta yi mebẽã ũme’a jarasi maʉ̃rara ãĩpanasi. 24 Noé ituaba beinʉmana berabaribʉrʉdera ʉrʉmasi. Aramaʉ̃ta iya k’awuasi yi warra tẽãbemaba k’ãrẽ odata 25 iya jarasi: «Canaán bʉ ʉ̃rʉ nekayiruata zeyi. Bʉra bʉ mebẽrã nezok’abayi».